Аԥснытәи аделегациа Ҟрымҟа ицоит аӷба "Князь Владимир" ала

© Sputnik / Нина Зотина / Амедиаҵәахырҭахь аиасраАԥснытәи аделегациа Ҟрымҟа ицоит аӷба "Князь Владимир" ала
Аԥснытәи аделегациа Ҟрымҟа ицоит аӷба Князь Владимир ала - Sputnik Аҧсны
Анапаҵаҩра
НовостиTelegram
Аԥснытәи аиҳабырабжьаратә делегациа рашәара 2 рзы Шәачантәи Ҟрымҟа ицоит.

АҞӘА, лаҵара 31 - Sputnik. Аԥснытәи аиҳабырабжьаратә делегациа рашәара 2 рзы Шәачантәи Иалтаҟаи Севастопольҟаи аӷба "Князь Владимир" ала ицараны иҟоуп ҳәа аанацҳауеит акруизтә еилахәыра "Черноморские круизы".

Первый пассажирский рейс круизного лайнера Князь Владимир в Сочи - Sputnik Аҧсны
Акруизтә лаинер "Князь Владимир" Аԥсныи Урыстәылеи ркурортқәа еиднаҳәалоит

"Амшынеиқәаҿ 2020 шықәса рзы Аԥсны Аҳәынҭқарреи Урыстәылатәи Афедерациеи рыбжьара акруизтә еимадара аиҿкааразы аилахәыра "Аԥснымшынӷбеи" ИАЕ "Черноморские круизы" рнапы зҵарҩыз аиқәшаҳаҭра аҳәаақәа ирҭагӡаны Аԥснытәи аиҳабырабжьаратә делегациа рашәара 2 рзы Шәачантәи Иалтаҟаи Севастопольҟаи аӷба "Князь Владимир" ала ицараны иҟоуп. Аделегациа аилазаараҿы иҟоуп Аԥсны Адәныҟатәи аусқәа рминистрра, Аекономика аминистрра, атранспорт азы Аусбарҭа, аҳәаахьчаратә хылаԥшра, Аҳазалхратә еилакы, аилахәыра "Аԥснымшынеиқәа", Аԥсны атуризм аиндустриа рхаҭарнакцәа", - аҳәоит адырраҭараҿы.

Аилахәыра "Черноморские круизы" аҿы иазгәарҭеит абаӷәазақәа рҟны алаинер агыламҭазы урыстәылатәи ахаҭарнакцәа рԥыларақәа шымҩаԥысуа.

"Князь Владимир" 2019 ншықәса рзы актәи аныҟәара мҩаԥган лаҵара 12 рзы: Шәача ақалақь аҟынтә 350 пассажир аманы абаӷәаза иадҵит. Ашықәс иҭагӡаны аӷба 23 реис мҩаԥнагараны иҟоуп.

Уаанӡа Владимир Путин инапынҵала ихацыркын Краснодартәи атәылаҿацәи Ҟрыми рыбжьара амшынтә еимадара.

 

Ажәабжьқәа зегьы
0