АҞӘА, рашәара 4 – Sputnik. Рауль Ҳаџьымба инапынҵала Аԥсны абиуџьет аусзуҩцәа аулафахәы рзыҳараркуеит, абри азы адырра ҟанаҵоит Аминистрцәа реилазаара апресс-маҵзура.
Аԥсахрақәа ирыҵаркуеит агәабзиарахьчара, аҵара, аҭҵаарадырра, акультура, аспорт, асоциалтә усзуҩцәа.
Абри инадҳәаланы аԥсахрақәа азууп Ареспубликатә биуџьет аныхратә хәҭа ҳәа аанацҳауеит амаҵзура.
Аулафахәы аизырҳаразы аныхрақәа еихшахоит абарҭ ахырхарҭақәа рыла:
Агәабзиарахьчара – 15 143,0 нызқьмааҭ; Акультура, аҟазара, амассатә информациа ахархәагақәа– 4 580,0 нызқьмааҭ; Абаҩырҵәыра, аспорт, аҿартә политика– 2 061,0 нызқьмааҭ; Асоциалтә политика – 1 016,0 нызқьмааҭ;
Аҭыԥантәи абиуџьетқәа рдотациа – 87 500,0 нызқьмааҭ.
