АҞӘА, рашәара 19 – Sputnik. Германиа аканцлер Ангела Меркели Украина ахада Владимир Зеленскии Берлин реиԥылараан иҟарҵаз абрифинг аҿы аҳәамҭа ҟалҵеит Ҟрым Украина иазыхынҳәаанӡа Урыстәыла иадҟаҵало асанкциақәа шааныжьтәу.
"Ԥхьацара ҳәа акгьы ыҟам. Ҟрым Украина иазыхынҳәаанӡа, Урыстәыла иазынархоу асанкциақәа ааныжьтәуп", - лҳәеит лара ателеканал "112" аҿы.
Меркель иара убасгьы илҳәеит Зеленскии лареи реицәажәаараан ишазааҭгылаз украинатәи асуверенитети Донбасс иҟоу аимаки.
Урыстәылеи Мраҭашәаратәи атәылақәеи реизыҟазаашьа ԥхасҭахеит Украина аҭагылазаашьеи Ҟрыми инарыдҳәаланы. Мраҭашәара Урыстәыла асанкциақәа аднаҵеит.
