АҞӘА, рашәара 27- Sputnik, Асмаҭ Ҵәыџьԥҳа. Амузыкатә еиндаҭлара "Абжьы зхоу" аԥхьахә хада лоуит Пицундатәи ашәаҳәаҩ Мира Ахԥҳа, абри атәы Sputnik иазаалыцҳаит аиндаҭлара акреативтә директор Ада Адлеиԥҳа.
Ҩ -гәыԥкны қәрала еихшаз анагӡаҩцәа рҟынтәи иара убасгьы иалкаан хҩык-хҩык ашәаҳәаҩцәа. Аиҳабыратә гәыԥ аҿы актәи аҭыԥ нылкылеит Очамчыратәи ашәаҳәаҩ Валериа Ԥерцхелиаԥҳа, аҩбатәи аҭыԥ - Леван Пхалаӡе, ахԥатәи - Николь Анқәабԥҳа. Аиҵбыратә гәыԥ аҿы актәи аҭыԥ нылкылеит Валериа Кетиаԥҳа, аҩбатәи - Алан Кархалаа, ахԥатәи - Алиса Быҭәԥҳа.
"Мира Ахԥҳаи Валериа Ԥерцхелиаԥҳаи еиҟараны абаллқәа рыман, аха ажиури ахантәаҩы Анри Гәымба аӡбра идикылеит Мира аԥхьахә хада лымазаарц", - лҳәоит Адлеиԥҳа.
Ахәаԥшыҩцәа раԥхьахә ланашьахеит Рада Кәыҵниаԥҳа.
Авокалтә еиндаҭлара "Абжьы зхоу" актәи амш мҩаԥысит
Аиндаҭлара "Абжьы зхоу" афинал хымш имҩаԥысуан. Актәи амш азы инарыгӡон аԥсышәала мацара ашәаәқа, аҩбатәи амш азы – еицырдыруа аҳәаанырцәтәи ашәақәа. Аконцерт хадаҿы инарыгӡон реиҳа абаллқәа зауз ашәақәа.
Актәи аҭыԥқәа зауз анагӡаҩцәа ироуеит алшара рхатә клипқәа ҭрыжьрацы.
