Микрофон  - Sputnik Аҧсны
Арадио

Ҳагԥҳа "Аҟазара аԥсҭазааразы": ахьыӡ ҿыцқәа ааҳартит ҳәа сгәы иаанагоит

© Sputnik / Томас ТхайцукЕсма Ҳагԥҳа
Есма Ҳагԥҳа - Sputnik Аҧсны
Анапаҵаҩра
Агәыҳалалратә фонд "Ашана" жәларбжьаратәи апроектқәа напхгара рызҭо Есма Ҳагԥҳа еиҭалҳәеит арадио Sputnik аефир аҟны Москва еиҿкаау ацәыргақәҵа "Аҟазара аԥсҭазааразы" шымҩаԥысуа.
Ҳагԥҳа "Аҟазара аԥсҭазааразы": ахьыӡ ҿыцқәа ааҳартит ҳәа сгәы иаанагоит

"Ԥхынгәы 22 рзы ацәыргақәҵа аартра бзианы имҩаԥысит. Ҳара даҳҭан Урыстәыла иҟоу Аԥсны ацҳаражәҳәаҩ, еицырдыруа ҳџьынџьуаа, иаднаԥхьалеит асасцәа Москва инхо. Ахәаԥшцәа ацәыргақәҵа даара иргәаԥхеит, аԥарагьы аларгалеит. Ацәыргақәҵаҟны 35 усумҭа ӡыргоуп, еиуеиԥшым ахырхарҭақәа рыла. Уи рхы аладырхәит Адгәыр Анқәаб, Аԥшьа Ҳагԥҳа, Мариа Ԥлиаԥҳа, иқәыԥшу Лика Шәлымԥҳа, Валериа Кетиаԥҳа, Ники Никитенко. Аҿыц хьыӡқәагьы ааҳартит ҳәа агәаанагара сымоуп. Ацәыргақәҵаҟны иҟоуп Ахра Аџьынџьал, Ольга Зелинскаиа, Ева Панченко, Сергеи Ҵәыџьба рҭыхымҭақәа. Дара хәыда-ԥсада иҳарҭеит русумҭақәа. Аханатә ацәыргақәҵа нанҳәа 9 рҟынӡа имҩаԥыслоит ҳәа акәын, аха даҽа мчыбжьык инацны иҟалоит. Уи ашьҭахь ацәыргақәҵа еиуеиԥшым ақьафурҭақәа роума,  аԥсуаа  рнапы ахьалакәу аҭыԥқәа рахь инаҳӷар ҳҭахуп, еиҭаҵуа цәыргақәҵаны иҟалоит", -ҳәа адырра ҟалҵеит Ҳагԥҳа.

"Аҟазара аԥсҭазааразы" захьӡу ацәыргақәҵа Урыстәыла аҳҭнықалақь аҟны имҩаԥысуеит ԥхынгәы 22 инаркны нанҳәа 16-нӡа Москватәи амилаҭқәа рыҩнаҟны.

Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

 

Ажәабжьқәа зегьы
0