Очамчыратәи аԥшаах иану аҩыра абызшәа шьақәдыргылеит

© Foto / Аркадий ДжопуаОчамчыратәи аԥшаах иану аҩыра абызшәа шьақәдыргылеит
Очамчыратәи аԥшаах иану аҩыра абызшәа шьақәдыргылеит - Sputnik Аҧсны
Анапаҵаҩра
НовостиTelegram
Аԥсныи Урыстәылеи рҵарауаа Очамчыра араион иахьаҵанакуа аҭыԥ аҿы акыцлыхҟьаԥс рыԥшааит. Аԥшаах еилкаам бызшәала аҩыра анын.

АҞӘА, нанҳәа 9– Sputnik. Очамчыра араион иахьаҵанакуа аҭыԥ аҿы аҵарауаа ирыԥшааз акыцлыхҟьаԥс арамеи бызшәала аҩыра анын ҳәа радио Sputnik иазеиҭеиҳәеит археолог, РАН мрагылараҭҵаара Аинститут аусзуҩ Александр Скаков.

"Ари абызшәала дцәажәон Иаса Қьырса. Ари абызшәала ицәажәон Византиа, Иран, Аахыҵ Кавказ. Аҩыра аплинфа иануп. Аплинфа – абааш аргылараан рхы иадырхәо қьырмытуп. Аҩыра арамеи алфавит аԥхьатәи анбанқәа быжьба арбоуп. Ақьырмыт VI ашәышықәса иаҵанакуеит, уаанӡа арамеи нбанқәа зныз аԥшаахқәа ыҟан, аха аҩыра наӡа зну аԥшаах ҳамԥыхьамшәацызт", - иҳәоит иара.

Аркади Џьапуа - Sputnik Аҧсны
Арадио
Џьапуа Очамчыратәи аԥшаах азы: аҩыра ҭызҵаауа аҟазацәа асахьа рзаҳашьҭит

Александр Скаков игәаанагарала ақьырмыт аҭыԥантәи напкымҭоуп. Анышәаԥшь шаӡаз аҩыра анҵоуп, нас иӡуп.

"Аҩыра иунарбоит усҟантәи аамҭазы арамеи бызшәа шырдыруаз, усҟантәи аамҭақәа рзы Аԥсныи егьырҭ аҳәаанырцәтәи атәылақәеи аинырра шрымаз ари аҭҵаарадырраҿы иҿыцу акоуп", - иҳәоит Скаков.

Аԥсныи Урыстәылеи рҵарауаа Очамчыра араион иахьаҵанакуа аҭыԥ аҿы акыцлыхҟьаԥс рыԥшааит. Аԥшаах еилкаам бызшәала аҩыра анын.

Аԥшаарақәа раан иара убасгьы акыц хәҭақәа, акерамика хәҭа, ачысмаҭәа, ахәыдхаҵақәа рыԥшаати.

Археологиатә ԥшаарақәа еицымҩаԥыргоит РАН мрагылараҭҵаара Аинститут, Аԥснытәи аҳәынҭқарратә музеи, Аԥсуа ҭҵаарадыррақәа ринститут.

Иара убас шәаԥхьар ҟалоит:

 

Ажәабжьқәа зегьы
0