АҞӘА, жьҭаара 7 – Sputnik, Асмаҭ Ҵәыџьԥҳа. Авариа иахҟьаны Гагра араион ахәҭак лашарада иаанхеит ҳәа аанацҳауеит АУН "Амшынеиқәафымцамч" апресс-маҵзура.
"Афымцалашаратә станциа маҷқәа "Бзыԥ", "Цандрыԥшь", "Гьечрыԥшь", "Холодная речка", "Гагра-1", "Гагра-2", "Гагра-3", "Пицунда" и "Алаҳаӡыхь" атрансформатор АТ-2 аҟны авариа иахҟьаны афымцалашара рзоужьуам", - ҳәа рҳәеит апресс-маҵзураҿы.
"Асааҭ 11:50 рзы авариатә схемала астанциа маҷ Гагра-3 Гагра араион мрагыларатәи ахәҭа фымцалашарала еиқәнаршәеит", - аҳәоит адырраҭараҿы.
Иара абри асхемала аус руеит астанциа маҷқәа Пицундеи Алаҳаӡыхьи.
Иара убас шәаԥхьар ҟалоит:
-
Афымцамч ахәԥсашәаразы азинҷыдақәа змоу рхыԥхьаӡара хә-нызқь рыла илаҟәуеит
