Афымцамч ахәԥсашәаразы азинҷыдақәа змоу рхыԥхьаӡара хә-нызқь рыла илаҟәуеит

© Sputnik / Томас ТхайцукАмшынеиқәафымцамч / Афымцаҭиира
Амшынеиқәафымцамч / Афымцаҭиира - Sputnik Аҧсны
Анапаҵаҩра
"Афымцаҭиира" 2019 шықәса ажьырныҳәа 21 инаркны аамҭала иааннакылеит афымцамч ахархәаразы азинҷыда аҭара, абонентцәа реиҭаҭаҩра инадҳәаланы.

АҞӘА, хәажәкыра 18– Sputnik, Бадри Есиава. Афымцамч ахәԥсашәараз азинҷыдақәа змоу рхыԥхьаӡара хә-нызқь рҟынӡа илаҟәуеит ҳәа Sputnik акорреспондент изеиҭеиҳәеит "Афымцаҭиира" адиректор Инал Лазба.

Электросчетчик - Sputnik Аҧсны
Афымцамч ахархәара ахәԥса иацлеит, аха зегь рзы акәым

""Афымцаҭиира" абазаҿы иҭаҩын 13500-ҩык азинҷыда змоу ауааԥсыра. Хымз рыҩнуҵҟа аиҭаҽҭаҩра иахысит 2758-ҩык. Ишаабо ала, азинҷыда змоу абонентцәа рхыԥхьаӡара 8000-ҩык иреиҳахом. Ҳгәаанагарала, урҭ рхыԥхьаӡара 5000-ҩык рыла илаҟәыргьы ауеит", - азгәеиҭоит Лазба.

АУН "Амшынеиқәафымцамч" азинҷыда змоу абонентцәа рхыԥхьаӡара армаҷра зыхҟьо дара акраамҭа аиҭаҽҭаҩра иахьахымсыц ауп. Лазба излеиҳәо ала, урҭ рыбжьара ирацәаҩуп азинҷыда уаҳа иаҵанамкуа ахаҿқәа.

"Иаҳҳәап, амилициа аусзуҩцәа, ма егьырҭ азинҷыда змаз аҳәынҭусбарҭақәа русзуҩцәа даҽа усурак ахь ииасызар алшоит, аха рзинҷыда шрымац иаанханы иҟоуп. Аиҭаҽҭаҩра мҩаԥгатәуп ҳәа алаҳәара ашьҭахь, урҭ ирымаз азинҷыда ахархәара ацҵаразы ҵаҵӷәык рзаамгеит", - иҳәоит Инал Лазба.

Азинҷыда змоу рсиа аоптимизациа азура аԥаратә лагаларақәа еизнарҳароуп.

Азинҷыдазы аԥыжәара рыман Аџьынџьтәылатә еибашьра Дуӡӡа аветеранцәа 2500-ҩык, аха 2019 шықәса хәажәкырамза абжаранӡа аиҭаҽҭаҩра иахысыз 64-ҩык аветеранцәа роуп.

Амшынеиқәафымцамч афилиал Афымцаҭиира аиҳабы Инал Лазба - Sputnik Аҧсны
Арадио
Лазба еиҭеиҳәеит афымцалашара ахә ахшәааразы аҭагылазаашьа шыҟоу

"Афымцаҭиира" адиректор иҳәеит Аминистрцәа реилазаарахь инашьҭу аԥсахрақәа рзы ажәалагала I агәыԥ иаҵанакуа ахымхәацәеи ԥшьҩык инареиҳаны ахшара змоу аҭаацәарақәеи рзы азинҷыдақәа рыцҵара шалнаршо.

"Инаҳашьҭыз ажәалагалаҿы иарбоу аԥсахрақәа уажәы Апарламент адепутатцәа иҭырҵаауеит", - иҳәоит Лазба.

Лазба излеиҳәо ала, аҵыхәтәантәи аамҭақәа ирылагӡаны "Афымцаҭиира" ахь аԥарашәараз азинҷыда роурц азы аҳәара шыҟарҵахьоу 102-ҩык ахымхәацәеи ахшара рацәа змоу ԥшь-ҭаацәараки, аха урҭ мап рцәаҳкыр акәхеит, иақәнагоу азакәанԥҵара ахьыҟам азы.

Инал Лазба излеиҳәаз арҭ ариашарақәа рыдыркылар, "Афымцаҭиира" афинанстә хьанҭара ишаҵамгыло, изыхәҭам ахаҿқәа аԥыжәара зинҷыда рхыхра аекономиа иҟанаҵо абарҭ I агәыԥ иаҵанакуа аинвалидцәеи ахшара рацәа змоу аҭаацәарақәеи ишырзырхахо.

 

Ажәабжьқәа зегьы
0