АҞӘА, жьҭаара 30 - Sputnik. Украина иазыԥхьагәанаҭоит Ҟрым аҳәаа ааигәара Херсонтәи аобласт аҿы атактикатә ҽазыҟаҵарақәа рымҩаԥгара. Абри атәы аанацҳауеит Украина арбџьармчрақәа рпресс-центр.
Ауснагӡатә мҩаԥысуеит жьҭаара 31 инаркны абҵара 4 рҟынӡа аполигон Иагорлыки Амшынеиқәа акваториеи рҿы.
Ахархәара роураны иҟоуп азенит-ракетатә комплексқәа Бук М1-и С-300ПТ-и. Иара убасгьы иԥыршәараны иҟоуп амодификациақәа С-300 (ПТ, ПС, В1) рзы аракетақәеи ЗРК С-125-2Д1 русбарҭатә тестқәеи.
Аҽазыҟаҵарақәа раан Амшын еиқәа акваториа аркхоит, ахысрақәа ахьымҩаԥысуа ажәҩантә ҵакырагьы аркхоит.
Жьҭаара 30-31 рзы Украина даҭаараны дыҟоуп НАТО амаӡаныҟәгаҩ хада Иенс Столтенберг.
Ажурнал "Арсенал Отечества" акоммерциатә директор, арратә експерт Алексеи Леонков прадио Sputnik аҟны абри аинформациа ахҳәаа аиҭеит.
"Украина Ҟрым ааигәара лассы-лассы аҽазыҟаҵарақәа мҩаԥнагоит. Ари украинатәи ар рзы штаттә ҭагылазаашьоуп. Аха убри аан иазгәаҭатәуп аполитикатә ҵаҵӷәгьы. Убри аан иҟалаша аӡәгьы издырам. Украина арратә хархәагақәа зегьы еиқәышәшәа иҟам, аҳәаа ааигәара уацәшәартә иҟоуп", - иҳәеит Алексеи Леонков.
Иара убас шәаԥхьар ҟалоит:
-
Леонид Пасечник: Зеленски "изеигәыӷуа хаданы" мацара даанхар алшоит
-
Пушилин: Киев аамҭа инахоит - арадикалцәа ргәы ҟарҵошәа ддырбоит
