АҞӘА, абҵара 20 – Sputnik, Бадри Есиава. Аԥсны аделегациа алахәхоит Шәача имҩаԥысраны иҟоу VI Жәларбжьаратәи атуристтә форум SIFT-2019-и IV атуроператорцәеи атурагентцәеи рконгресси ҳәа Sputnik иазаарыцҳаит Аԥсны акурортқәеи атуризми рзы аҳәынҭеилакы апресс-маҵзураҟынтә.
"Аҵак ду змоу арҭ ауснагӡатәқәа ралахәхара аԥсуа туризм азы илшамҭоуп аҳәаанырцә аӡыргаразы", - ҳәа азгәарҭеит Аԥсны акурортқәеи атуризми рзы аҳәынҭеилакы апресс-маҵзураҟны.
Аԥсны акурортқәеи атуризми рзы аҳәынҭеилакы иазԥхьагәанаҭоит афорум алахәылацәа рзы Аԥсны иахьаҵанакуа аӡыргара-информациатә тур амҩаԥгара.
Жәларбжьаратәи атуристтә форум SIFT мҩаԥыргоит 2014 шықәса раахыс. Афорум ахь инаԥхьоуп Урыстәылатәи Афедерациа аиҳабыра, Абанк хада, Афедерациатә хеилак, Аҳәынҭқарратә дума рхаҭарнакцәа.
Иара убас шәаԥхьар ҟалоит:
-
Уфатәи атурфорум аҭааҩцәа аԥсуа џьыка ргәаԥхеит
