"Ақалақь арԥшӡара ҳаҿуп, сынтәа егьырҭ ашықәсқәа раасҭа иаҳа иԥшӡахоит, уи азы иааҳхәахьеит еиуеиԥшым амаҭәарқәа. Ауаа ргәалаҟазаара шьҭаҳхыр ҳҭахуп. Амшқәа иҳарҭар аԥсаӡ амза 20 рзы ирхианы иргылахоит акультура ахан аҿаԥхьа. Амза 24 рзы аныҳәатә усмҩаԥгатәқәа ирылагоит. Ахәыҷқәа аиҵбыратә классқәа ирҭоу рзы атеатралтә қәгылара еиҿкаахоит Москва аҩны ацхыраарала, иара убасгьы амза 27-нӡа Аҵаа Бабаду, Асҭыԥҳа уҳәа еиуеиԥшым аперсонажқәа аус рулоит акультуратә хан аҿаԥхьа, еиҿкаахоит акәакь ауаа рфотосахьақәа ҭырхыр ахьрылшо. Амза 27 рзы уажәшьҭа традициала Ашықәсҿыцазтәи амцабз ҳәа изышьҭоу аусмҩаԥгатә еиҿкаахоит. Уи иалахәхоит аԥсуа естрада ашәаҳәаҩцәа. Амза 30 рзы аҭыԥантәи ахаԥшьгаратә коллективқәеи, ақьачақьцәа рыклуби аныҳәатә программа аздырхиоит ақалақь ауааԥсыра рзы. Амза 31 ауха аҿарацәа, изҭаху ақалақь ауааԥсыра акультуратә хан аҿаԥхьа рыԥсы ршьар, амузыка иазыӡырҩыр, икәашар рылшоит. Аныҳәа ауха иҟалоит афеиерверк", - лҳәеит Чачхалиаԥҳа.
Шәазыӡырҩла арадио Sputnik Аԥсны арадио аефир.
Иара убас шәаԥхьар ҟалоит:
- Қәычбериа Очамчыра Ашықәс ҿыц шазгәарҭо азы: ҳаԥсаӡ ҿыц даара ҳаигәырӷьоит
-
Ҳашыгԥҳа еиҭалҳәеит Аҟәа Ашықәс ҿыц аныҳәаз еиҿкаахо атәы
