Микрофон  - Sputnik Аҧсны
Арадио

Ануаԥҳа аконфеҭ ԥшра змоу арҩашьыгатә маҭәашьарқәа рзы: агәаҽанызаара ду аҭахуп

© Sputnik / Томас ТхайцукИрма Ануа
Ирма Ануа - Sputnik Аҧсны
Анапаҵаҩра
НовостиTelegram
Аԥсны анарколог хада Ирма Ануаԥҳа арадио Sputnik аефир аҟны ахҳәаа азылуит арҩашьыгатә маҭәашьарқәа злаз аконфетқәа ашколхәыҷқәа ирыдыркылеит ҳәа асоциалтә ҳақәа рыла адыррақәа.
Ануаԥҳа аконфеҭ ԥшра змоу арҩашьыгатә маҭәашьарқәа рзы: агәаҽанызаара ду аҭахуп

"Ааигәа иҟаз аинтернет ала аинформациа иашаӡам. Ҳара ҳахь аӡәгьы даанамгаӡеит, егьырҭ ахәышәтәырҭақәа рахьгьы ахәыҷқәа нанагеит ҳәа адырра ҳамаӡам. Хԥа-ԥшьба шықәса раԥхьа ахәыҷқәа анаркологиатә диспансер ахь ианаанагаз ахҭысқәа ыҟан. Усҟан шьоукы аспаис рыдыркылеит, шьоукы аҩы ржәит, даҽа шьоукы ахәшәқәа рыдыркылеит. Ус еиԥш ахҭысқәа ҟалалоит, аха ирацәоуп ҳәа сызҳәом. Бжьаратәла ашықәс иалагӡаны ҩыџьа-хҩы ахәыҷқәа ҳзаанагоит, аха хыԥхьаӡара рацәала ашколхәыҷқәа арҩашьыгатә маҭәашьарқәа рыдыркылоит ҳәа, ус еиԥш иҟам", - лҳәеит Анаԥҳа.

Убри аан анарколог хада иазгәалҭеит агәаҽанызаара ду шаҭаху, аконфет ԥшра змоу анаркотикқәа ахәыҷы знык агьама аниба инаркны ашьцылара иоур ҟалоит, ишәарҭоуп ауаҩы ихшыҩ ахьдырҩашьо аҟынтә.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Ажәабжьқәа зегьы
0