АҞӘА, жәабран 5 – Sputnik. Шәачатәи аҳазалхыҩцәеи аҳәаахьчаҩцәеи аҽазныкгьы иаԥдырҟәҟәааит закәаншьаҭада, ашәҟәы иалаӡакәа аҭаҭынаалыҵ аҳәаа ахыгара. Ииасыз амчыбжь азы иаанкылан 1200 ҭоԥ. Абри атәы аанацҳауеит Урыстәыла Аладатәи аҳазалхратә усбарҭа апресс-маҵзура.
Ииасыз амчыбжь азы аушьҭырҭатә ҭыԥ "Адлер" аҿы иаанкылан автомашьына ВАЗ 21043. Иара агәаҭараан абылтәы зҭарҭәо абак аҿы иԥшаан аҭаҭын аалыҵ (45 ҭоԥ). Аԥсҟы зкыз ахаҵа иҳәеит Аԥсны идырцәа рҿы дшыҟаз, ԥарак сырҳанда ҳәа аҭҭын аалыҵ аҳәаа иахигарц дшалагаз.
Автомашьына ВАЗ 21093 аҟны акәзаргьы акапот иаҵыргеит 284 ҿаҳәара аҭаҭын.
Иара убри амш азы аҳәаа иахысуаз ргәаҭараан даанкылан аԥҳәыс. Аметаллодетектор абжьы иаанарԥшит атауар лымаҭәа ишаҵаҵәахыз, илыдырбалеит маӡала илгоз 316 ҭоԥ аҭаҭын. Егьи аԥҳәыс лакәзаргьы илыдбалан 19 ҭоԥ.
Аҳәса аҩыџьагьы рҿы рықәшаҳаҭхеит аҭҭын аалыҵ аиҭарсразы Урыстәылаҟа ишыргоз.
2020 шықәса иалагазар аҭҭын аалыҵ аҳәаа ахыгара инамаданы 60 ус хацдыркхьеит.
Иара убас шәаԥхьар ҟалоит:
- Лгәы иауам: ҳтәылауаҩԥҳәыс ԥшьынтәуп аҭаҭын аҳәаа ишахылгоз дақәыркуеижьҭеи
-
Ашықәс иалагазар Ԥсоу хә-нызқь ҭоԥ аҭаҭын аалыҵ ааныркылахьеит
