АҞӘА, жәабран 14 - Sputnik. Аҟәа ақалақь апрокуратура Алада Ешыра инхо Алхас Хәарцкьиа иганахьала ашьаус хацнаркит, ауаҩԥсы иҭахарахьы икылызгаз авариа иахырҟьаны ҳәа аҳәоит аусбарҭа асаит.
Жәабран 12 асааҭ 19:10 рзы, Аҟәа, Адлеиба имҩаҿы аԥҳәыс машьынала илысит. Лара аҭыԥ аҿы лыԥсҭазаара далҵит.
Адырраҭараҿы ишаҳәо ала, Хәарцкьиа автомашьына "Nissan Patrol" аԥсҟы икын. Уи аԥыларатә цәаҳәа данылеит, Адлеиба имҩаҿы, 1950 шықәса рзы ииз аԥҳәыс – Ельза Џьынџьалԥҳа длысит. Лара аҭыԥ аҿы лыԥсҭазаара далҵит.
Хәарцкьиа дааныркылеит, уи иқәырҵар ҟалоит хышықәса инадыркны бжьышықәсанӡа, амашьына аԥсҟы аанкылара хышықәсанӡа дақәиҭмыртәыр ҟалоит.
Ашьаусҭҵаара инапы иануп Аҟәа ақалақь апрокуратура аусҭҵааҩ.
Иара убас шәаԥхьар ҟалоит:
-
Аметодон зыдкыланы амашьына аԥсҟы зкыз ауаҩы ашьаҟауаҩ дисит
-
30 шықәса рыҩнуҵҟа Аԥсны иҟалаз амҩатә машәырқәа рыстатистика ааргеит
