Агәабзиарахьчара аминистрра: Аԥсни Қырҭтәылеи рҳәаа аркхоит

© Sputnik / Сергей Пятаков / Амедиаҵәахырҭахь аиасраАгәабзиарахьчара аминистрра: Аԥсни Қырҭтәылеи рҳәаа аркхоит
Агәабзиарахьчара аминистрра: Аԥсни Қырҭтәылеи рҳәаа аркхоит - Sputnik Аҧсны
Анапаҵаҩра
НовостиTelegram
Акоронавирус иадҳәалаз аилацәажәара х-сааҭк инарзынаԥшуа ицон. Ашәарҭадаратә маҵзураҿы аҳәаа аркра макьаназы ишьақәырӷәӷәаны иалацәажәом.

АҞӘА, жәабран 27 – Sputnik, Сариа Кәарцхьиаԥҳа. Мшаԥы 7 рҟынӡа Гал араион ауааԥсыра Аԥснынтәи Қырҭтәылаҟа риасразы азиншәҟәқәа рыҭара иаҟәыҵуеит Қырҭтәыла иахьаҵанакуа акоронавирус ацәырҵра иахҟьаны ҳәа Sputnik иазеиҭарҳәеит агәабзиарахьчара аминистрра апресс-маҵзураҿы.

"Иахьа Аминистрцәа реилазаараҿы аилацәажәара мҩаԥысуан, аԥыза-министр Валери Бганба иусԥҟа иалацәажәон. Аусԥҟа аредакциа ҿыц ала ирыдгалан. Қырҭтәылеи Аԥсни рҳәаа аушьҭырҭатә ҭыԥ аҿы арежим еиҳа ирӷәӷәахоит, аӡәгьы доурышьҭуам уахьгьы арахьгьы. Мшаԥы 7 рҟынӡа Гал араион ауааԥсыра Аԥснынтәи Қырҭтәылаҟа риасразы азиншәҟәқәа рыҭарагьы иаҟәыҵуеит. Ажәакала, акарантин рылаҳәоуп. Ԥсоу аҿтәи аҳәааҿ акәзар, Урыстәыла атәылауаа азин рымоуп аҳәаа ахысра", - рҳәеит амаҵзураҿы.

Аԥсны ашәарҭадаратә маҵзураҿы аҳәаа аркра макьаназы ишьақәырӷәӷәаны иалацәажәом. Урҭ макьана иқәныҟәоит мшаԥы 7, 2020 шықәса рҟынӡа Аԥсныҟа аҳәаанырцәтәи атәылауаа, Урыстәыла атәылауааи авизадатә режим ахьҳабжьоу атәылақәа ртәылауааи аламҵакәа, ралалара ԥызкуа Валери Бганба иусԥҟа.

Иара убри аан Аахыҵ Уаԥстәыла Қырҭтәыла иаԥну аҳәаа анаркит, аушьҭырҭатә ҭыԥқәа зегьы аус шырымуа азы аҳәамҭа ҟанаҵеит.

Аҵыхәтәантәи адыррақәа рыла, адунеи аҿы акоронавирус иахырҟьаны рыԥсҭазаара иалҵхьеит 2804-ҩык, ачымазара рымоуп ҳәа иԥхьаӡоуп 82 713–ҩык.

Иара убас шәаԥхьар ҟалоит:

Ажәабжьқәа зегьы
0