Аԥсны атәыла ахада инапынҵақәа наӡыгӡо Валери Бганба акоронавирус аҽацәыхьчаразы иҟаиҵаз абжьгарақәа рахь иаҵанакуеит ҳтәылахь иаауа аԥсшьаҩцәа аныҟәарақәа рзеиҿкаара мап ацәкра, насгьы хәажәкыра 20 инаркны мшаԥымза 7-нӡа атуристцәа зҭаауа аҭыԥқәа Риҵатәи амилаҭҭә ҳәырԥссара, Аботаникатә абаҳча, Афонтәи аҳаԥы уҳәа реиԥш иҟоу атуристтә ҭыԥқәа раркра.
"Макьана заацәан ас еиԥш аԥкрақәа ралагалара. Урыстәыла атуристтә компаниақәа ишрабжьаргаз еиԥш иахәҭоу абжьгарақәа рыдыркылар акәын. Аҿкы макьана Аԥсны иахьаҵанакуа иара Краснодаргьы аҭагылазашьа зынӡа ишәарҭаны ҳәа иҟам. Ҳаҭала сара Москва сыҟан, ауаа зынӡа иныҟәаӡом уҳәар иашам. Ҳара уажәааны атуристцәа рацәаҩны иҳамаӡам, аха Шәача рхыԥхьаӡара рацәоуп, избанзар атәым ҳәынҭқаррақәа рахь изцаӡом. Шәача иаазгьы Аԥсны даар иҭаххоит, уи уаҵәтәи аус азы аус аулон, ҳаԥхьаҟа дазхәыцларын арахь данааша ҳәа", - иҳәеит Ахба.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
Иара убас шәаԥхьар ҟалоит:
- Маланиаԥҳа: адоллар ахә ашьҭыҵреи Аԥсны акоронавирус аҟамзаареи заанаҵтәы аҿаҵа ианыԥшит
-
Акоронавирус ашьақәыргыларазы атест-системақәа Аԥсныҟа иааргеит
