"Алхрақәа даара ибзианы ихыркәшоуп, уи даара ҳаигәырӷьеит. Адунеи зегьы иахьырбаз иаҵахазгьы иаиааизгьы рнапқәа еибаркны иҟарҵаз адныҳәалара атәы. Уи аԥсуа жәлар иаҳнаало сахьоуп ҳәа сахәаԥшуеит. Аҳәынҭқарраҿы иҟоуп ауадаҩрақәа рацәаны, аха зегьы, ара иҟои Аԥсны иқәынхо жәлари, ҳнапы еибаркны убарҭ зегьы ҳара ҳраиааиуеит ҳәа ҳгәыӷуеит. Уи ус имариам, иаҭахуп апрограмма. Урҭ азҵаарақәа рыӡбаразы иалырхыз Аслан Бжьаниа икоманда иазҟазоуп ҳәа сгәы иаанагоит", - иҳәеит Аҟәысба.
Ҭыркәтәыла иҟоу Аԥсуа культуратә центрқәа рхеидкыла ахантәаҩы игәаанагарала, аԥхьа инаргылана адиаспора азҵаарақәа аӡбаразы ирмазеитәуп апрограмма ҷыда.
"Уи аус аԥышәа змоу зегьы ҳаилатәаланы еиҿаҳкаароуп. Узықәныҟәаша амҩа умазароуп, мамзар шәыԥсадгьыл ахь шәхынҳәы ҳәа ажәлар Аԥсныҟа иузнагаӡом. Аслан Бжьаниа сиазҵаахьан ишԥаибо адиаспора аганахьала аӡҵаара аӡбашьа, иара ҭакс исиҭеит: "ара аҭагылазаашьа бзиазар, аӡбарҭа, азакәан аус ауазар, иаауа хьчазар, ихәыҷы аҵара иоур, ахәшәтәразы аҭагылазаашьа бзиа иоур, ҳџьынџьуаа рхала арахь аара иалагоит". Уи адагьы, иага гәыбылра ыҟазаргьы, ауаҩы дузаагом ҳәа насаҭеикит. Саргьы уи ажәа иашаны сахәаԥшуеит. Ҳара ҳҭагылаазашьа ҳара иаадыруеит, ауаажәлар рҭагылаазаашьа ҳдыруеит, Аԥсны аҭагылазаашьеи, алшареиқәеи, иаҿырԥшны апрограмма еиҿкааны иҟаҵатәуп. Уажәраанӡа адиаспора аганахьала азҵаарақәа рыӡбашьа аус шауаз ҳгәаԥхом, ишахәҭаз аиҳа иаҳа ируадаҩны, ирхьанҭаны, иҟан ҳәа сгәы иаанагоит. Адиаспора аганахьала инырхуа аԥара, мааҭк акәзаргьы, ажәлар ирдыруа иҟаҵатәуп иахьнырхыз, мамзар уи Аԥсны инхо ҳашьцәеи адиаспореи ахьшәашәара рыбжьанаҵоит", – азгәеиҭеит Аҟәысба.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
Иара убас шәаԥхьар ҟалоит:
