Микрофон  - Sputnik Аҧсны
Арадио

Бараҭелиа аҿкы иахылҿиааз аԥкрақәа рзы: ауаа рхымҩаԥгашьа сгәаԥхоит, шамахамзар идәылҵуам

© Sputnik / Томас ТхайцукГәылрыԥшь араион ахада - Аслан Бараҭелиа
Гәылрыԥшь араион ахада - Аслан Бараҭелиа  - Sputnik Аҧсны
Анапаҵаҩра
Гәылрыԥшь араион ахада, аҭыԥан иаԥҵоу акоронавирус аҿагыларазы акоординациатә штаб напхгара азҭо Аслан Бараҭелиа арадио Sputnik Аԥсны аефир аҿы еиҭеиҳәеит араион аҿы аҭагылазаашьа зеиԥшроу атәы.

 

Раионк аԥсҭазаараҟнытә: Бараҭелиа Гәылрыԥшь араион аҭагылазаашьа иазкны

"Уаҵәы араион аҿы изыхәҭоу зегьы ауалафахәы рыҭахоит, ирмоур адагьы ԥсыхәа ыҟаӡам, аԥара еиқәыршәаны иҳамоуп, уажәтәи амзазы иҳазхоит. Уажәы абиуџьеҭ ахь иаанаго ахашәала даара имаҷхоит, ҳара ҳҿы азауад дуқәа ргылан иҳамаӡам, ахәаахәырҭатә ҭыԥ маҷқәеи акрыфарҭақәеи рылоуп еиҳарак ишеиқәҳаршәо, урҭ зегьы аркхоит, анаҩс ауадаҩра цәырҵыр алшоит", - ҳәа еиҭеиҳәеит Бараҭелиа.

Араион ахада иажәақәа рыла анхацәа рахьынтә абыргцәа зегьы рыҩнаҭахьы афатә рызнаргоит аволонтиорцәа.

"Араион аҿы иаарԥшуп ацхыраара зҭаху абыргцәа 34-ҩык. Аволонтиорцәа рыцхыраарала урҭ рыфатә рыҩнаҭахьы инаргоит. Ирфаша ахә рымоуп, аха адәахьы адәылҵра рцәыуадаҩуп, иагьдәылымҵырц раҳҳәеит. Дҳамоуп ветеранк, Аибашьра Ду иахысыз, уигьы ҳлыдҵаалахьеит. Иаадкыланы зегьы рыфатә мчыбжьык ахь знык инаагоит, ахә рзымшәаргьы, иҳамоу араионтә фонд аҟынтә ирзаҳшәаратә ҳаҟоуп. Ақыҭақәа рҿы ахадацәа ирдыруеит рынхацәа, урҭ рахьынтәгьы аинформациа ҳамоуп. Ауаа рхымҩаԥгашьа сгәаԥхоит, зегьы иҟоу ашәарҭара иазхәыцны, шамахамзар, адәахьы идылҵӡом", - ҳәа еиҭеиҳәеит Бараҭелиа.

Инеиҵыху аиҿцәажәара шәазыӡырҩы арадио Sputnik Аԥсны аефир аҿы.

Акоронавирус иадҳәалоу аҵыхәтәантәи ажәабжьқәа шәрыԥхьар ҟалоит абра>>

Ажәабжьқәа зегьы
0