Аҳәаанырцәынтә иаауа Аԥсны атәылауаа акарантин ахьырхырго аҭыԥқәа рхиоуп

© Sputnik / Акоп Кущян Сухум
Сухум  - Sputnik Аҧсны
Анапаҵаҩра
Yandex newsTelegram
Аԥсны ахада инапынҵақәа назыгӡо Валери Бганба адҵа ҟаиҵеит акоронавирус ахьазгәарҭахьоу атәылақәа рҟынтәи Аԥсныҟа иаауа акарантин ахьырхырго аҭыԥқәа рхиазарц.

АҞӘА, мшаԥы 3– Sputnik, Бадри Есиава. 400 ҭыԥ рҟынӡа Аԥсны асасааирҭақәеи аԥсшьарҭаҩнқәеи рҟны ирхиоуп ҳтәылауаа рхазынхарҭаз ҳәа Sputnik иазеиҭарҳәеит акарантинтә ҭыԥқәа еиҿызкаараны знапы ианыз аобиектқәа рнапхгаҩцәа.

Работы в лаборатории  - Sputnik Аҧсны
Бганба адҵа ҟаиҵеит аҳәаанырцәынтә иаауа акарантин ахьырхыргаша аҭыԥқәа рхиазарц

Аиҳарак аномерқәа рхиоуп асасааирҭа "Аиҭар" аҿы – 217 номер.

"Акарантин иазԥхьагәанаҭоит номер цыԥхьаӡа аӡәаӡәа рыҩнаҵара. Арҭ аномерқәа иахьагьы ирхиоуп. Аҭаацәа ракәзар, зыӡбахә ҳәахо 3-4 ҭыԥ змоу аномерқәа рхиоуп", - иҳәеит "Аиҭар" адиректор Ҭемыр Адлеиба.

Гәдоуҭа акарантин иаҵанакуа рзы ирхиоуп апансионат "Черноморец". Ари аобиект адиректор Рашь Хәытаба иажәақәа рыла, ирхиоуп 80 ҭыԥ.

Аномерқәа зегь рыла еиқәыршәоуп. Иара убриаҟара ҭыԥ хиоуп аспорт-сасааирҭатә комплекс "Жемчужина" аҿы Очамчыра.

Гагра араион Цандрыԥшь ақыҭантәи апансионат "Ԥсоу" иазнархиеит ҩ-еихагылак. Апансионат адиректор ихаҭыԥуаҩ Руслан Барцыц ишиҳәаз ала, актәи аихагыла ауаа рыдкылара иазыхиоуп, аҩбатәи аихагылаҿы мышқәак рыла ихыркәшахоит иаҭаху зегьы. Ара 42 номер ауаа аднакылартә ирхиахоит.

Гал араион аҿы Акультура аҩны азырхиоуп. Уажәы уа Москвантәи иааз хҩык ауаа ҩноуп.

Акоронавирус иадҳәалоу аҵыхәтәантәи ажәабжьқәа шәрыԥхьар ҟалоит абра>>

Ажәабжьқәа зегьы
0