АҞӘА, мшаԥы 3 - Sputnik. Ашахматқәа рзы онлаин-турнир "Аԥсны Опен" есыҽны имҩаԥыслоит ҳәа Sputnik акорреспондент изеиҭеиҳәеит Аԥсны ашахмат Афедерациа ахада Константин Ҭыжәба.
"Ҳара ашахмат абзиабаҩцәа рзы есыҽны атурнир мҩаԥаагарц ҳаӡбеит. Уи Аԥсны адагьы, Урыстәылантәи ауаа алахәуп. Есыҽны аҽҭаҩра мҩаԥысуеит ашьыжь асааҭ 11 рзы, атурнир иалагоит асааҭ 12 рзы", - иҳәеит Ҭыжәба.
Онлаин-турнир алахәхаразы апортал Chess.com аҿы аҽҭаҩра аҭахуп.
"Ари адунеизегьтәи шахматтә порталуп, 30 миллион рҟынӡа ахархәаҩцәа амоуп. Ҳаргьы абра иҳаӡбеит Аԥсны иаарту ачемпионат мҩаԥаагарц. Иаԥаҳҵеит аклуб. Иахьазы 26-ҩык алахәуп", - иҳәеит Ҭыжәба.
Ихымԥадатәины иҟоу аинтернет еимадара бзиоуп ҳәа азгәеиҭеит иара.
Акарантинтә аамҭазы ирацәаҩуп "Аԥсны Опен" иалахәны зҟазара шьҭызхуа ҳәа азиԥхьаӡоит Ҭыжәба.
"Атурнир иалахәхар рылшоит изҭаху зегьы. Аиҳарак аҵакы амоуп ахәыҷқәа ралахәхара", - иҳәоит иара.
Ашахматқәа рзы онлаин-турнир раԥхьаӡа акәны Аԥсны имҩаԥысуеит ареспубликаҿы акарантин аԥырхаанӡа.
Иара убас шәаԥхьар ҟалоит:
-
Делԥҳа акарантин азы: аҵаҩцәа гәхьааугоит, унапы рыкәыршаны иухьчар уҭахуп
-
Лацәышԥҳа онлаин аҵаразы: зегьы ишрылымшогьы, гәыԥҩык аҿуп
-
Какоба ашколхәыҷқәа рыԥсшьарамшқәа рзы: ҳхы ҳақәиҭуп ҳәа рнапқәа еиужьны имтәароуп
