АҞӘА, мшаԥы 3 - Sputnik, Бадри Есиава. Тҟәарчалаа ишырҳәаз еиԥш рыҩнқәа рыҽрыҩнаркит, араионтә хәышәтәырҭахьгьы аӡәгьы дадымҵаалацт ҳәа Sputnik акорреспондент изеиҭалҳәеит Тҟәарчалтәи ахәышәтәырҭа аҳақьым хада Лали Гаргәылиа.
"Ҳара ҳҟны ҭынчроуп. Ақалақьуаа амедикцәа ирабжьырго иқәныҟәоит. Шамахамзар аӡәгьы дҳадҵаалом. Аҭел иасны изызҿлымҳау азҵаарақәа ҳарҭоит, ҳабжьгарақәа рыдыркылоит", - лҳәеит Гаргәылиа.
Аӡәыр акоронавирус имазар, аихшаратә ҭыԥ еиҿкаауп ахәышәтәырҭа аҿаԥхьа, аха уахьгьы уаҩ дықәымлацт.
Тҟәарчал уахьалало, Аҟәарчаԥани Гәыԥи рыбжьара ацхыраара ласы абригада, АҶА аусзуҩцәа, азинхьчаратә усбарҭақәа русзуҩцәа ахьыҷаԥшьо аблокпост аартуп.
Тҟәарчалаа ашоура рыманы ирбар, аҩныҟа дрышьҭуеит, уахь сасҵас амҩа иқәу аӡәы иакәзар – ддырхынҳәуеит.
"Иара убасгьы аӡәыр акоронавирус ахьыҟоу атәылаҟынтә ааигәа даазар, ҳхәышәтәырҭахь иаразнакы адырра ҟарҵоит, ҳаргьы уи ауаҩы ҳишьклаԥшлоит", - лҳәеит лара.
Мшаԥы 3 рзы апациентцәа руаӡәк ибиоматериал аҟәатәи алабораториахь инашьҭуп аҭҵааразы.
Иара убас шәаԥхьар ҟалоит:
- Аҩнуҵҟатәи аусқәа рминистрра Гали Очамчыреи рыбжьара амҩа адыркит
-
Акоронавирус аарԥшразы атест-система ҿыц ҭаҩуп Урыстәыла
