Микрофон  - Sputnik Аҧсны
Арадио

Алҭеиба акоронавирус азы: ирлас инҵәо ак акәым

© Sputnik / Томас ТхайцукАнатоли Алҭеиба
Анатоли Алҭеиба - Sputnik Аҧсны
Анапаҵаҩра
Аԥсны зҽаԥсазтәыз артист, апоет, ашәаԥҵаҩ Анатоли Алҭеиба арадио Sputnik Аԥсны аефир аҿы еиҭеиҳәеит акоронавирус иахҟьаны ҳтәылаҿы иаԥҵоу аԥкрақәа иусура ишаныԥшыз атәы.
Алҭеиба акоронавирус азы: ирлас инҵәо ак акәым

"Сҭаацәеи сареи ақыҭараҿы сыҟоуп, иҟоу аҭагылазаашьа ахәыҷқәа ирнымԥшырц азы. Ара аус есымшагьы иҟоуп, арасаҭра рыцқьаҭәуп, абаҳча, аҩны уҳәа унапы ззукша уԥшаауеит. Ахәыҷқәагьы раамҭа бзиан ирхыргоит, ааԥынроуп, еибарыҩуа ашҭа иқәуп. Жәамш рахьынтә усқәак ҳамазар, Аҟәаҟа ҳаауеит, ҳусқәа ааҟаҵаны еиҭа ҳхынҳәуеит. Акызаҵәык, ақыҭауаа еицәыхараны инхоит аҟнытә, усҟак еиҭанеиааиуам, убри заҵәык сҭаацәа ргәы еихьнашьуеит лассы-лассы изыҿцәажәо ахьыҟам аҟынтә. Егьырахь, ақыҭа ибзиан ирыдыркылоит. Уеизгьы-уеизгьы уахи-ҽны акрыфарҭақәа ҳрыҵамызт, атеатрқәа ҳрыҩнамызт, уи азы уадаҩрада ирхыргоит аамҭа. Ари ас ирлас инҵәаӡом, алаҵарагьы ҳҽазаҳкыргьы бзиоуп, уаҵәы ача ахьааҳхәо ҳмоур аиҳа", - иҳәеит Алҭеиба.

Амузыкант иажәақәа рыла, акоронавирус аламырҵәаразы ҳтәылаҿы иаԥҵоу аԥкрақәа иусура акырӡа ианыԥшит.

"Сара еиҳарак хныҟәгагас исымоу ашәақәа рҭаҩроуп, анаҩс, ачарақәа рныҟәгара. Сусура ишԥанымԥши ари аҭагылаазашьа, астудиахь аӡәгьы дааиӡом, ауа ачарақәа аура азин рымам. Аҩнаҭахьы мааҭк злаазгоз аус аангылеит. Ас хара сызцарым. Нас схылԥа нышьҭаҵаны агитара аашьҭыхны амҩаду сантәалозар акәхап ашәа ҳәо", - иҳәеит Алҭеиба дычча-ччо.

Инеиҵыху аиҿцәажәара шәазыӡырҩы арадио Sputnik Аԥсны аефир аҿы.

Иара убас шәаԥхьар ҟалоит:

Ажәабжьқәа зегьы
0