"Макьана ауаа идеилҳаркаауеит аҭагылазаашьа шыҟоу атәы, рхымҩаԥгашьа иашамхар, ахараԥса шрыдҵахо атәы. Ҽнак-ҩымш ажәлар идаҳраӡоит еилыркааразы, ҳусзуҩцәа ауаа аанкылан ирацәажәоит, аха ашәахьа инаркны аусԥҟа ишаҳәо ала, аусура ҳалагоит. Гали Гагреи аҭагылазаашьа иаҳа ирӷәӷәоуп, уа аус ауеит акоменданттә сааҭ, ақалақь алалареи алҵреи рзы, шамахамзар, азин ыҟам, изыхәҭоу аусбарҭақәа рыда. Ашәара ҳазҭагылоу зегьы еилыркаауазароуп, зегьы ишахәҭоу ҳрықәымныҟәар иаԥҵоу аԥҟарақәа, ҳусқәа иаҳагьы еицәахоит. Урҭ ирықәымныҟәо ауаа аанкылахоит, рмашьынақәагьы рымххоит, ахараԥсагьы дыршәахоит, зҽаанызымкылаз иахәҭоу аус дақәҳаршәоит", - ҳәа еиҭеиҳәеит Смыр.
Ҽнакала Аԥсны ахы-аҵыхәа 350-ҩык амилициа аусзуҩцәа аус руеит, дара ахыхьчагатә маҭәашьарқәа рыла еиқәыршәоуп ҳәа азгәеиҭеит Смыр.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
Иара убас шәаԥхьар ҟалоит:
- Аҭагылазаашьа ҷыда еилазго ахараԥса ддыршәалоит
-
Аԥсны ауааԥсыра аҩны адәылҵра иақәиҭхом ԥсыхәа змам уск аҵыхәала акәымзар
