АҞӘА, мшаԥы 27 -Sputnik, Асмаҭ Ҵәыџьԥҳа. Урыстәыла Амшынеиқәатә флот арадиациатәи, ахимиатәи, абиологиатәи хьчара архәҭа Гал 36 аобиект рырзҩыдара мҩаԥыргеит ҳәа Sputnik иазаанацҳауеит Атәылахьчара аминистрра апресс-маҵзура.
Атәылахьчара аминистрра апресс-маҵзура адыррақәа рыла зынӡа 55 нызқь метр ԥшьыркца арзҩыдара иахыжьын. Арахь иаҵанакуеит амҩақәа, араионтә џьармыкьа, Акультура аҩны. Аусурақәа раан ахархәара рыҭан арадиациатәи, ахимиатәи, абиологиатәи хьчара иазку 13 автомашьына.
Урыстәыла Амшынеиқәатә флот арадиациатәи, ахимиатәи, абиологиатәи хьчара архәҭаҟынтәи Аԥсны акоронавирус аламырҵәаразы арзҩыдаратә уснагӡатәқәа мҩаԥыргаразы Аԥсныҟа иааит мшаԥы 18 рзы. Атехникеи аҟазауааи Гәдоуҭа иҟоу Урыстәылатәи арратә базаҿы иаангылеит. Арзҩыдаратә усурақәа рышьҭахь автомашьынақәеи аруааи иҷыдоу арыцқьара иахрыжьуеит.
Уаанӡа арзҩыдаратә уснагӡатәқәа мҩаԥыргаргахьан Гәылрыԥшь, Тҟәарчал, Очамчыра араионқәа рҿы. Ауснагӡатәқәа ирыцҵахоит Аҟәа иахьаҵанакуагьы.
Урыстәыла Амшынеиқәатә флот арадиациатәи, ахимиатәи, абиологиатәи хьчара архәҭаҟынтәи Аԥсны акоронавирус аламырҵәаразы арзҩыдаратә уснагӡатәқәа мҩаԥыргоит ахәышәтәырҭақәа, ахәаахәҭырҭақәа, административтә обиектқәа рҿы.
Иара убасгьы аконсультациатә бжьагара ҟарҵоит авирус змоу ачымазцәа рыхәышәтәразы.
Атәылахьчара аминистрра адыррақәа рыла урыстәылатәи аҟазауаа лаҵарамза алагамҭанӡа аусурақәа мҩаԥыргалоит.
Иара убас шәаԥхьар ҟалоит:
- Ауаа рацәа ахьеизо аҭыԥқәа рҟны: урыстәылатәи аруаа арзҩыдара шымҩаԥырго
-
Урыстәылатәи аруаа 150 нызқь метр ԥшьыркца дырзҩыдеит Аԥсны
