Аԥсныҟа иааз акарантин ишықәныҟәо иахылаԥшуеит Аԥсны ААР аусзуҩцәа

© Sputnik / Томас ТхайцукСотрудник милиции +
Сотрудник милиции + - Sputnik Аҧсны
Анапаҵаҩра
НовостиTelegram
Иахьатәи аамҭазы иҟоу Аҩныҵҟатәи аусқәа рминистрра адыррақәа рыла, 14-мштәи аҽыԥхьакра рхыргахьеит 500-ҩык рҟынӡа ауааԥсыра. Абри аамҭазы арежим аилагара хҭыск азгәаҭоуп.

АҞӘА, мшаԥы 29 - Sputnik. Аԥсныҟа иааз акарантин ишықәныҟәо иахылаԥшуеит Аԥсны ААР аусзуҩцәа ареспублика ақалақьқәеи араионқәеи рҟны ҳәа аҳәоит аминистрра асаит.

"Азинмчра змоу амилициа аусзуҩцәа атәылауаа ирыҿцәажәоит аҽыԥхьакра арежим ахымԥадаразы, иахьынхо аҭыԥқәа рҟны игәарҭоит", - ҳәа аҳәоит адырраҭараҿы.

Иахьазы аминистрра адыррақәа рыла, 14-мштәи аҽыԥхьакра рхыргахьеит 500-ҩык рҟынӡа ауааԥсыра.

Гостиница Айтар - Sputnik Аҧсны
Акрыфара мацароуп: асасааирҭа "Аиҭар" аҿы зҽыԥхьазкуа аԥара зхыршәаатәны иҟоу

Гагра араион ахь иааз 225-ҩык рҟынтәи 14 мшы рҽыԥхьакны ирхыргеит 101-ҩык. Егьырҭ макьаназы ахылаԥшра рырҭоит.

Гәдоуҭа араион аҿы – 50-ҩык акарантин иахысит. Зынӡа 117-ҩык ааит.

Аҟәа араион ахь иааит 11-ҩык. Иахьатәи аамҭазы хәҩык аҽыԥхьакра арежим иқәныҟәоит.

Аҟәа ақалақь аҿы 211-ҩык иааз 327-ҩык рҟынтәи акарантин рхыргахьеит.

Гәылрыԥшь араион аҿы 47-ҩык рҟынтәи акарантин рхыргеит 31-ҩык.

Очамчыра араион аҿы 51-ҩык рҟынтәи 27-ҩык акарантин иахысхьеит.

Абарҭ аамҭақәа зегь раан акарантин еилазгаз аӡәы заҵәык иоуп. Амилициаҿ ишырҳәаз ала, уи агәҽанҵара иҭоуп.

Тҟәарчал араион ахь иааз 29-ҩык рҟынтәи акарантин иахысит 20-ҩык.

Гал араион аҿы – 87-ҩык рҟынтәи 24-ҩык рҽыԥхьаркуеит, 63-ҩык акарантин рхыргахьеит.

Иара убас шәаԥхьар ҟалоит:

Ажәабжьқәа зегьы
0