АҞӘА, лаҵара 8 - Sputnik. Аԥсны иҟоу урыстәылатәи арратә база аруаа Аџьынџьтәылатә еибашьра ду аҟны Аиааира 75-шықәса ахыҵра амш аҽны арратә ашәақәа ҳәо, амузыка арҳәо, арратә машьынақәа ирықәгыланы Аԥсны ақалақьқәа ирылсраны иҟоуп ҳәа аанацҳауеит арратә округ апресс-маҵзура.
Ареспублика амҩаду хадақәа ирнысуеит аидарамҩангага машьынақәа КамАЗ, Урал, Аџьынџьтәылатә еибашьҩы иформақәа рышәҵаны аруаа рықәгыланы, авинтовкақәа, Аиааира абираҟқәа кны.
Атехника аколонна мҩанысуеит ашәақәа: "Жди меня", "В лесу прифронтовом", "Вечер на рейде", "День Победы", "Вот солдаты идут" уҳәа егьырҭгьы арҳәо.
Аруаа аветеранцәа ирыдныҳәалоит, иҭахаз рмемориалтә комплексқәа рахь инеины ашәҭшьыҵәрақәа шьҭарҵоит.
Иара убас шәаԥхьар ҟалоит:
- Аслан Бжьаниа аветеранцәа Аиааира 75-шықәса ахыҵра рыдиныҳәалеит
-
Бжьаниеи Путини Аиааира 75-шықәса ахыҵра рыжәларқәеи дара-дареи ирыдибаныҳәалеит
