АҞӘА, лаҵара 16 - Sputnik. Аҩнуҵҟатәи аусқәа рминистрра аусзуҩцәа анаркотикатә маҭәашьарқәа изакәантәым рылахәаахәҭра аҿагылара аҳәаақәа ирҭагӡаны Урыстәылеи ҳареи ҳҳәаа аҟны аидара машьынақәа ргәаҭара мҩаԥыргеит ҷыдала иазыҟаҵоу алақәа адгаланы. Абри атәы аанацҳауеит ААР апресс-маҵзура.
Адырраҭараҿы иазгәаҭоуп ас еиԥш иҟоу агәаҭарақәа асистематә ҟазшьа рыҭаны уажәи-уажәи ишымҩаԥгалахо.
"Азинхьчаратә усбарҭақәа русураан еиуеиԥшым иҷыдоу атехникатә маҭәахәқәа ахархәара шрырҭогьы, амаҵуратә лақәа акала иузымԥсахуа цхырааҩцәоуп", – ҳәа азгәарҭеит Аҩнуҵҟатәи аусқәа рминистрраҿы.
Мшаԥы 30 рзы Аԥсны Аҩнуҵҟатәи аусқәа рминистр ҿыцс дҟаҵан Дмитри Дбар, иара анаркотикатә маҭәашьарқәа рылахәаахәҭра аҿагылара – иусураҿы ихадароу хырхарҭаны иаликааит.
Лаҵара 5 рзы аминистр идҵала, Аԥсны ААР аамҭалатәи аҭакырҭаҿы агәаҭара мҩаԥган, уи иалҵшәаны абаандаҩцәа рҟны иԥшаан, иагьрымхын ирымазар иҟамло амаҭәарқәа: алаҵа-ԥҟагатә маҭәарқәа, амобилтә ҭелқәа, ахәшәқәа.
Лаҵара 10 рзы Аԥсны ААР ахатәы шәарҭадара аҟәша аусзуҩцәеи атәыла ашьаусҭҵаара аусбарҭеи еилахәны дааныркылеит амилициа алеитенант, змашьынаҿы аметадон ԥшааз.
Иара убас шәаԥхьар ҟалоит:
- Аԥсны аҩнуҵҟатәи аусқәа Гагреи Гәдоуҭеи рраионтә ҟәшақәа рхадацәа аҭоуп
-
Жәеиза шьаҿа: Аԥсны ААР амҩақәа рҿы аԥсҭбарақәа рхыԥхьаӡара шдырмаҷуа
