Аҩныҟа иоушьҭуп: хымԥадатәи аҽыԥхьакра арежим хыркәшоуп 13-ҩык акурсантцәа рзы

© Sputnik / Томас ТхайцукГостиница Айтар
Гостиница Айтар  - Sputnik Аҧсны
Анапаҵаҩра
НовостиTelegram
Иахьатәи аамҭазы Аҟәа ақалақь аҿы аобсервациатә усбарҭаҟны хымԥадатәи акарантин иқәныҟәоит Урыстәылантәи Аԥсныҟа иааз 194-ҩык акурсантцәа.

АҞӘА, лаҵара 17 - Sputnik. Урыстәылатәи иреиҳау аҵараиурҭақәа рыстудентцәа 13-ҩык акоронавирус шрылам атест ианышьақәнарӷәӷәа ашьҭахь, аҩныҟа иоушьҭын, абри атәы аанацҳауеит Аԥсны атәылахьчара аминистрра апресс-маҵзура.

Гәдоуҭа асанҳақьым: амедицина акгьы алшом, ауаа аҽыԥхьакра арежим иқәымныҟәалар - Sputnik Аҧсны
Гәдоуҭа асанҳақьым: амедицина акгьы алшом, ауаа аҽыԥхьакра арежим иқәымныҟәалар

Аԥсныҟа аҳәаанырцәынтә иааз ауааԥсыра рзы хымԥадатәи акарантин 14 мшы ҿҳәарас иамоуп.

Зынӡа иааидкыланы 14-мштәи акарантин ашьҭахь атестқәа ирхыжьны аҩныҟа иоушьҭуп 24-ҩык акурсантцәа. Раԥхьатәи апартиа асасааирҭа "Аиҭар" аҟынтәи иоушьҭын лаҵара 14 рзы.

Зынӡа Аԥсныҟа Урыстәылантәи иааит арратә институтқәа ирҭоу 232-ҩык астудентцәа. 

Асасааирҭа "Аиҭар" аҟны иҟоу астудентцәа зегьы атестқәа ирхыжьны аҭакқәа анеилкаахалак ашьҭахь ауп аҩныҟа ирышьҭуа ирмышьҭуа анеилкаахо.

© Foto / МО РАЗынӡа иааидкыланы 14-мштәи акарантин ашьҭахь атестқәа ирхыжьны аҩныҟа иоушьҭуп 24-ҩык акурсантцәа.
Аҩныҟа иоушьҭуп: хымԥадатәи аҽыԥхьакра арежим хыркәшоуп 13-ҩык акурсантцәа рзы - Sputnik Аҧсны
Зынӡа иааидкыланы 14-мштәи акарантин ашьҭахь атестқәа ирхыжьны аҩныҟа иоушьҭуп 24-ҩык акурсантцәа.

Уаанӡа Аԥсны агәабзиарахьчара аминистр Ҭамаз Ҵахнакьиа адырра ҟаиҵахьан Аҩнуҵҟатәи аусқәа рминистрра ахаҭарнакцәеи атәылахьчара аминистрра акоменданттә архәҭеи "Аиҭар" ахыбрақәа шырыхьчо.

Тестирование россиян на наличие антител к COVID-19 в Москве - Sputnik Аҧсны
Ҭаацәарак иатәу хҩык ауааԥсыра акоронавирус рыдбалоуп Аԥсны

Адунеи аҿы апандемиа рыларҳәеижьҭеи Аԥсны иахьаҵанакуа COVID-19 рыхьхьеит 20-ҩык ҳтәылауаа. Ауааԥсыра акоронавирустә инфекциа рацәыхьчаразы аоперативтә штаб адыррақәа рыла, ичмазаҩхаз рыхәҭак Урыстәылантәи иааз аԥсуа студентцәа роуп, даҽаӡәы - Даӷьсҭанынтәи иааз Абыжьбатәи аурыс база аррамаҵзурауаҩ иоуп, уи ашьҭахь акоронавирус рыхьит ҳәа ирылаҳәаз ҩыџьа Москвантәи иааз Бамбора инхо атәылауаа роуп, аҵыхәтәаны акоронавирус злаҽыз хҩык Аҟәа иқәынхо Шәачантәи иааз ҭаацәарак роуп.

Мшаԥымзазы Аԥсны акоронавирус рыдбалан хҩык Гагра ақалақьуаа. Ҩыџьа ргәы бзиахеит, 1925 шықәсазы ииз ахԥатәи ачымазаҩ лыԥсҭазаара далҵит.

Акоронавирус иадҳәалоу аҵыхәтәантәи ажәабжьқәа шәрыԥхьар ҟалоит абра>>

Ажәабжьқәа зегьы
0