АҞӘА, рашәара 17 - Sputnik. Аԥсны ахада Аслан Бжьаниа Аминистрцәа реилазаара анапы ианиҵеит COVID-19 алаҵәара аамҭазы абиуџьеттә система аҭышәныртәаларазы ауснагӡатәқәа аднакыларц.
Атәыла ахада исаит ишаҳәо ала, аус рыдулатәуп ауснагӡатәқәа:
- Абиуџьет аныхра аԥыжәаратә хырхарҭақәа аԥара рзоужьра алзыршо;
- Абиуџьеттә система аԥарақәа хықәкылеи хра рымани рхархәара ахылаԥшра алзыршо;
- Абиуџьет ахашәала агәаҭара знапы иану аусбарҭа абиуџьет ахь ианаамҭоу, ихарҭәааны аԥарашәарақәа шымҩаԥырго ахылаԥшра алзыршо.
Уаанӡа 2020 шықәса рзы апандемиа амшала Афинансқәа рминистрра азеиԥш ҩнуҵҟатәи аалыҵ (ВВП) 10 процентк рыла акаҳара азԥхьагәанаҭоит ҳәа азгәеиҭеит афинансқәа рминистр Владимир Делба. Делба иажәақәа рыла, аҳәынҭқарра ахатә хашәала 2 миллиардк рыла еиҵахар ҟалоит.
Иара убас шәаԥхьар ҟалоит:
- Апандемиа амшала ВВП 10 процентк рыла икаҳауеит иҳәеит Афинансқәа рминистр
-
Аԥсны атәанчахәқәа рыҭара аҿҳәара иахыԥоит
