АҞӘА, рашәара 30 - Sputnik. Аԥсны Аҩныҵҟатәи аусқәа рминистрра 700-ҩык рҟынӡа аусзуҩцәа заанаҵы абжьыҭара мҩаԥыргеит Урыстәыла Аконституциа аԥсахрақәа ралагаларазы ҳәа аанацҳауеит аусбарҭа апресс-маҵзура.
Заанаҵтәи абжьыҭара мҩаԥган Аԥсны Аҩныҵҟатәи аусқәа рминистр Дмитри Дбар иаԥшьгамҭала Аԥсны иҟоу Урыстәыла Ацҳаражәҳәарҭа ақәшаҳаҭрала.
Абжьыҭара мҩаԥысуан Аԥсны иҟоу Урыстәыла Ацҳаражәҳәарҭа анҭыҵтә комиссиа алахәылацәеи ареспубликаҿ иҟоу Урыстәыла ААР аофициалтә хаҭарнак Станислав Апсавеи рыҟазаараан.
Атәыла азакәан хадахь ариашарақәа ралагаларазы абжьыҭара амш хада. Ԥхынгәы 1 азы ауаажәларратә зинеиҿкаара амҩаԥгара рнапы иануп Аԥсны ААР аусзуҩцәа.
Аԥсны иахьаҵанакуа Урыстәыла Аконституциа аԥсахрақәа ралагаларазы абжьыҭара мҩаԥгахоит ԥхынгәы 1 азы, Урыстәыла Ацҳаражәҳәарҭа ахыбраҿы (Аҟәа, Лакоба 45). Араионқәа рхадацәа адырра ҟарҵеит ишазыхиоу абжьаҭара аиҿкааразы ацхыраара аҟаҵара. Уи азы Урыстәыла Ацҳаражәҳәарҭахь ауаа рнагаразы атранспорт азырхиахоит.
Иара убас шәаԥхьар ҟалоит:
