АҞӘА, ԥхынгәы 2 - Sputnik. Урыстәыла АКХ Аконституциахь аиҭакрақәа рзы абжьыҭара аԥкаанҵақәа 99,9% аус рыднаулеит.
Ашьыжь асааҭ 7 рызтәи адыррақәа рыла аиҭакрақәа рыдкыларазы рыбжьы арҭеит аурыс тәылауаа 77,93 процент, урҭ ирҿагыларны рыбжьы арҭеит 21,26 процент алхыҩцәа.
Аҵыхәтәантәи адыррақәа рыла, Урыстәыла зеиԥшла абжьыҭара рҽаладырхәит 65 процент рҟынӡа алхыҩцәа.
Красноиарсктәи атәылаҿацәа иқәынхо рахьтә аиҭакрақәа ирыдгылеит 70,1 процент алхыҩцәа, ирҿагылеит - 28,96 процент.
Кемеровтәи аобласт иқәынхо рахьтә аиҭакрақәа ирыдгылеит 87,29 процент алхыҩцәа, ирҿагылеит - 12,03 процент.
Иугратәи алхыҩцәа рахьтә Аконституциахь аиҭакрақәа ирыдгылеит 69 процент алхыҩцәа, ирҿагылеит - 30,05 процент.
Севастополь аус рыдулоуп аԥкаанҵақәа зегьы. Аконституциахь аиҭакрақәа ирыдгылеит 84,6 процент алхыҩцәа, иаҿагылеит — 14,6 процент.
Самаратәи аобласт алхыҩцәа рахьтә Аконституциахь аиҭакрақәа ирыдгылеит 80,55 процент алхыҩцәа, ирҿагылеит - 18,68 процент.
Сибраа рахьтә аиҭакрақәа ирыдгылеит 72 процент инареиҳаны, заанаҵтәи адыррақәа рыла ауаа рааишьа иартәеит 58 процент инареиҳаны.
Челиабинсктәи аобласт аҿы инхо рахьтә 69,54 процент аиҭакрақәа ирыдгылеит, ирҿагылеит - 29,55 процент. Чечниа аиҭакрақәа ирыдгылеит 97,92 процент, ирҿагылеит 1,94 процент алхыҩцәа.
Калмыкиа - 84 процент аиҭакрақәа ирыдгылеит, 14,95 процент - ирҿагылеит.
Волгоградтәи област аҿы аиҭакрақәа ирыдгыланы рыбжьы арҭеит 83,39 процент, ирҿагыланы — 15,86 процент.
Арҭ арегионқәа рҟны аус рыдулопу 100 процентк аԥкаанҵақәа.
Аконституциа ариашарақәа ралагаларазы абжьыҭара мҩаԥысраны иҟан мшаԥы 22 рзы, аха атәылаҿ аепидемиологиатә ҭагылазаашьа иахырҟьаны арыцхә ԥхынгәы 1 ахь ииаган. Иҟоу ашәарҭарақәа раԥырҟәҟәааразы абжьыҭара цон рашәара 25 инаркны ԥхынгәы 1 аҟынӡа.
