АҞӘА, ԥхынгәы 10 - Sputnik. Иҳаҩсыз уахыки-ҽнаки рыла Аԥсны даҽа 10-ҩык гәарҭеит акоронавирустә инфекциа рылоу ирыламу аилкааразы, абри атәы аанацҳауеит Ауааԥсыра акоронавирус рацәыхьчаразы аоперативтә штаб.
"Иҳаҩсыз уахыки-ҽнаки рыла акоронавирус рылоу ирыламу аҭҵааразы рбиоматериал рымхын 10-ҩык атәылауаа, урҭ рахьтә адиагноз COVID-19 аӡәгьы изықәыргылам", - аҳәоит адырраҭара.
Аԥсны иахьаҵанакуа акоронавирус зынӡа 38-ҩык ирыдбалоуп. Ҩыџьа Гәдоуҭатәи ахәышәтәырҭа иҭоуп, 35-ҩык ргәы бзиахеит, аӡәы лыԥсҭазаара далҵит.
Акоронавирус иазку ажәабжьқәа зегьы шәрыԥхьар ҟалоит абра>>
