АҞӘА, ԥхынгәы 23 – Sputnik. Есышықәса ашьапылампыл маҷ азы имҩаԥысуа аҟәатәи агәарԥ-командақәа злахәу аицлабрақәа хыркәшахеит ҳәа аанацҳауеит Аҟәа ақалақь ахадара аҿари аспорти русқәа рзы адепартамент апресс-маҵзура.
Аицлабрақәа рфинал аҿы еиԥылеит акомандақәа "Амшын еиқәеи" "Аиааиреи". 3:2 ҳәа иаиааиит акоманда "Аиааира". Ахԥатәи аҭыԥ анашьахеит акоманда "Ливерпуль".
Аиааира згаз иранашьан ахраҿақәа, аҳаҭыртә шәҟәқәа, аԥаратә ҳамҭақәа.
Ԥхынгәы 15-21 рзы имҩаԥысуаз ашьапылампыл маҷ азы аицлабрақәа ирылахәын аҟәатәи агәарԥ-командақәа 10.
Иара убас шәаҳьар ҟалоит:
