АҞӘА, нанҳәа 10 - Sputnik. Урыстәыла уахыки-ҽнаки рыла 5 118-ҩык авирус рыдбалоуп арегионқәа 83 рҿы ҳәа аанацҳауеит COVID-19 аҿагыларазы Москва аоперштаб.
Авирус зыдбалаз рҟынтәи 26,5% аклиникатә ҟазшьақәа рныԥшуамызт.
Уахыки-ҽнаки рыла рыԥсҭазаара иалҵит 70-ҩык, ргәы бзиахеит 3 259 -ҩык.
Зынӡа атәылаҿы COVID-19 иахҟьаны 15 001 ԥсыҭбара азгәаҭоуп, 696 681 -ҩык ргәы бзиахахьеит.
Аԥсны ауааԥсыра акоронавирус рацәыхьчаразы аштаб адыррала, ареспубликаҿ авирус рыдырбалахьеит 134-ҩык, ргәы бзиахеит 38-ҩык, хҩык рыԥсҭазаара иалҵит.
Нанҳәа 8 рзы аоперштаб адырра ҟанаҵеит авирус зыдбалоу раԥхьатәи атурист Урыстәыла аҵакырахь ихәышәтәразы дшиагоу.
Акоронавирус иадҳәалоу ажәабжьқәа зегьы шәрыԥхьар ҟалоит абра>
