АҞӘА, нанҳәа 21 - Sputnik. Шәачатәи аҳазалхыҩцәа аҳәаахьчаҩцәа рыцырхырааны Аԥснынтәи Урыстәылаҟа закәаншьаҭада аҭаҭын аиагаразы аҽазышәара аԥырҟәҟәаан, абри атәы аанацҳауеит Шәачатәи аҳазалхырҭа апресс-маҵзура.
Аҳазалхратә ҭыԥ "Адлер" ашьаҟауаа рымҩаҿы агәаҭара ахысраан даанкылан Аԥсны атәылауаҩԥҳәыс, уи лгәаҭараан лыҵкы иаҵәахуаны илышьаз ақалԥадқәа 50 ҭоԥ аҭаҭын шырҭаз рбеит.
32 шықәса зхыҵуа Аԥсны атәылауаҩԥҳәыс аҭаҭын Урыстәылаҟа аҭиразы ишиалгоз лҳәеит, аха аҳәаа аҭаҭын аалыҵ аиагара шыҟамлозгьы лдыруан, убри азоуп изылҵәахыз ҳәагьы азгәалҭеит.
Ари аԥҳәыс уажәадагьы ари аҩыза азакәанеилагара ҟалҵахьан, иахьа жәохәынтә раан ауп ацәгьа анылуа. Уажәшьҭа ахараԥса лдыршәоит.
Аҭаҭын аалыҵ лымхуп, атауаргәаҭаратә експертизахь инашьҭуп. Атәылауаҩԥҳәыс лганахьала административтә зинеилагарақәа рзы ашьаусқәа ҩба хацыркуп.
Иара убас шәаԥхьар ҟалоит:
- Ԥсоу дааныркылеит закәаншьаҭада аҳәаа ахысра зҽазызшәоз ауаҩы
