"11 шықәса ҵуеит ашьхымза анҵаны исымоижьҭеи, урҭ есышықәса ашьха ихызгалоит. Сынтәа - Мархьаул сыҟан. Аусура ашьҭахь саанаауа сышьхақәа рахь сцоит, сыԥсы сшьоит, убри ауп ԥсыршьагас исымоу. Сынтәа сышьхақәа ҩынтә исыԥшхьеит. Сыцәгьамкәагьы аҽаҩра соуит. Ашьхақәа аҭәаҵла бзиан ианыҟоу ацха бзиан иааргоит, убри гәаҭаны исымоуп. Хыԥхьаӡарала ашьхымзаҭрақәа 70 рҟынӡа санхалалак, 20-25 цыра сҭиуеит. Изго сымоуп, ԥыҭҩыкгьы иазҵаауеит. Сынтәа сышьхақәа хәыҷык иҽеимызт, аха хыхьынтә дысзылыԥхеит. Ашьхымзаҭра рыцқьан иргылан ишсымаз ҩ-сааҭк рыҩнуҵҟа быжьхымзаҭрак ашьхақәа рхала иааны иҭалеит. Сзызҵааз ирҳәеит ас еиԥш ахҭыс атәы шырмаҳацыз. Акы аасыртын, иҭәын, аҩбатәи ус, ахԥатәигьы, убас рыбыжьба игылаз", - ҳәа азгәеиҭеит Ҳараниа.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
Иара убас шәаԥхьар ҟалоит:
-
Ҳазлацәажәаша ҳамоуп: Ҳараниа ашьхааӡара иазкны
-
Аршба ашьхааӡара иазкны: сгәы азыбылуеит
-
Кокосқьериа: раԥхьатәи ашьхаҭаацәара анысҵеит ахәбатәи акласс аҿы сантәаз
-
Ацха - зегь реиҳа ихаау ахәшә
