"Ауаҩы ачымазара раԥхьатәи асимптомқәа аниоулак, апрофилактика аганахьалеи ахьҭалалара аганахьалеи ирыдыркылоит Арбидол. Ари ахәшә азы, исымоу аинформациала, иҟоуп ауадаҩра, уи ахәшә Аԥсны аҩныҵҟа мацара акәым, Урыстәылагьы аиура уадаҩхеит. Аха астационар аганахьала ҳара ари ахәшә ҳамоуп. Аԥҭекақәа дара рхалоуп ахәшәқәа шаарго азы, урҭ рус ҳалахәым. Егьырҭ аԥҭека аусбарҭақәа рҿы ауадаҩра шыҟоу аадыруеит хәшәқәак рыла, аха аҿкы чымазара ахшәтәраҿы иҟаӡам иалкаан хәшәык, уи ада ԥсыхәа ыҟаӡам ҳәа, убри азы егьырҭ ахшәқәа ужәратәы аҭагылаашьа ыҟоуп. Ачымазаҩ ахәышәтәырҭа данҭашәа нахыс иара ихәҭоу ахәшәқәа рыла иеиқәыршәаразы ҳара зегьы ҳамоуп", - еиҭеиҳәеит Аџьба.
Иаҳа инеиҵыху аиҿцәажәара шәазыӡырҩыр шәылшоит аудиофаил аҿы, мамзаргьы арадио Sputnik Аԥсны аефир аҿы.
Иара убас шәахьар шәылшоит:
- Чачхалиаԥҳа Гәдоуҭатәи агоспиталь аҳақьымцәа рзы: аџьамыӷәа цәгьа рхыргоит
