Цәыббра 17 ауха Ниу-Иорк имҩаԥысуаз зых иақәиҭу ақәԥаразы атурнир "Beat the Streets" аҿы аԥсуа спортсмен Рустам Амԥар аиаара игеит 10:6 ҳәа. Иара диеиндаҭлон Еиду Америкатәи аштатқәа еизгоу акомандаҿ иреиӷьқәоу ақәԥаҩцәа иреиуоу Џьек Миуллер.
"Сгәы иахәеит иҟаиҵаз ахәыҷы (иааӡамҭа Рустам Амԥар изы - аред.). Ауарҳал аҟны ақәԥара мҩаԥиимгеижьҭеи хԥаҟа шықәса ҵуеит, ихәда хәыҷык ихьуан. Шьҭа хәыҷы-хәыҷы далагеит. Америка аиԥылараҟны даиааит ҳәа ҳаҳаит, уахь дыҟеижьҭеи шьҭа хәымз-фымз ҵуеит. Уа иҩызак иҟны дыҟоуп, Урыстәыла иатәу аспортсменцәа ахәыҷқәа аӡәы дазыҟаиҵоит… Ахәыҷ бзиақәа ыҟоуп атурнирқәа рахь иҳазгозар", - иҳәеит Бениа.
Рустам Амԥар – жәларбжьаратәи акласс змоу аспорт азҟаза иоуп, Урыстәыла ақәыԥшцәа рыбжьара аиндаҭлара аиаарагаҩы, Европеи адунеии рҟны ақәыԥшцәа рыбжьара аиндаҭлара апризиор, адунеи Ахраҿа ианашьоуп, Иван Иарыгин ихьӡ зху аиндаҭлараҿы Гран-при игахьеит.
Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.
Иара убас шәаԥхьар ҟалоит:
