АҞӘА, абҵара 6 — Sputnik. Раԥхьаӡа акәны Урыстәыла 20 000 акоронавирус хҭыс ҿыц азгәаҭоуп уахыки-ҽнаки рыла ҳәа аанацҳауеит РИА Новости Москва аоперштаб адыррақәа рыла.
Ачымазара рыдбалоуп 20 582-ҩык, рыԥсҭазаара иалҵит 378-ҩык, ргәы бзиахеит 16 955-ҩык.
Ахҭыс ҿыцқәа азгәаҭан 85 регион рҟны. Зегь раасҭа ирацәоуп Москва — 62536, Санкт-Петербург (1171), Подмосковье (605). Арбагақәа лаҟәуп: Чечентәыла (27), Ненецтәи (7), Чукоткатәи (5) автономтә округқәа рҿы.
Авирус змоу рыхәҭак рҟны аҟазшьақәа цәыргам.
Аепидемиа иаалагазар Урыстәыла иахьаҵанакуа 1,7 миллионҩык COVID-19 рыдбалоуп. Иахьазы ичмазцәоуп 507 нызқьҩык. Рыԥсҭазаара иалҵит 29,9 нызқьҩык, ргәабзиара шьақәгылеит 1,3 миллионҩык.
ВОЗ адыррақәа рыла, адунеи зегьы аҿы 48 миллионҩык акоронавирус рыхьхьеит, 1,2 миллионҩык рыԥсҭазаара иалҵит. Еиҳа ачымазара рылаҵәоуп ЕАА — 6,2 миллионҩык.
Авирус еиҳа иалаҵәоуп Индиа, Бразилиа, Урыстәыла, Франциа, Испаниа, Аргентина, Колумбиа, Британиа, Мексика.
