АҞӘА, абҵара 17 - Sputnik, Асмаҭ Ҵәыџьԥҳа. Урыстәыла Аибга аннексиа азура агәҭакым иҳәеит Аԥсны ахада Аслан Бжьаниа имҩаԥигаз апресс-конференциаҿы абҵара 17 рзы.
"Сара Владимир Путин изеиҭасҳәеит Аибга иҟоу аҭагылазаашьа шыздыруа, уи аганахь документқәас иску. Азҵаара ҭынч ҳалацәажәеит. Урыстәыла ахада иҳәеит азҵаара иашарылеи закәаншьаҭалеи ишыӡбахо", - ҳәа иҳәеит ахада.
Бжьаниа иазгәеиҭеит Аԥсни Урыстәылеи рҳәаахьчаратә маҵзурақәа ахылаԥшра шарҭало ацҳа иқәсуа ауааи аидарақәеи.
Аибга ақыҭа Ԥсоу аӡиас ахыхь ишьҭоуп, ҩбаны еиҟәшоуп Аԥсни Урыстәылеи рыбжьара. Ақыҭа амшын иҩахыкны 840 метра рҟны. Аԥснытәи аган иаҵанакуа Аибга инхоит Урыстәыла иатәылауаау шәҩык ауааԥсыра.
Иара убас шәаԥхьар ҟалоит:
-
Аԥсны Апарламент ААРи АШәМ рнапы ианнаҵеит Аибгатәи ацҳазы аҭагылазаашьа ҭырҵаарц
