Аслан Бжьаниа Аҟәа иршьыз Қьамал Арӡынба иуацәа дырԥылеит

© Sputnik Администрация президента Абхазии
Администрация президента Абхазии  - Sputnik Аҧсны, 1920, 29.06.2021
Анапаҵаҩра
НовостиTelegram
Аԥсны раԥхьатәи ахада Владислав Арӡынба ԥас иҟаиҵаз Қьамал Арӡынба лаҵара 18 азы Аҟәа дыршьит. Ацәгьа иуит ҳәа агәызҩара ззыҟоу ауаҩы дырбаандаҩуп.

АҞӘА, рашәара 29 - Sputnik. Аԥсны ахада Аслан Бжьаниа Қьамал Арӡынба иуацәа дырԥылеит ҳәа аанацҳауеит ахада ипресс-маҵзура.

Аиԥылара мҩаԥысит апрокурор хада Адгәыр Агрба, Аԥсны АШәМ ахантәаҩы Роберт Киут, Аҩнуҵҟатәи аусқәа рминистр Дмитри Дбар алархәны. Азинхьчаратә усбарҭақәа рхадацәа еиҭарҳәеит имҩаԥырго ауснагӡатәқәеи аусҭҵаара шцои ртәы.

Задержание А. Сухоносовой и Д. Долгополова, обвиняемых в государственной измене - Sputnik Аҧсны, 1920, 21.05.2021
Қьамал Арӡынба ишьра далахәын ҳәа агәҩара ззыҟоу ахаҿы ҩымз аҭакра иқәырҵеит

Абри ашьҭахь Арӡынаа рыжәла ахаҭарнакцәа аусҭҵаара шцо азы иргәаанагароу рҳәеит. Бжьаниа иусбарҭаҿы иазгәарҭеит аиԥылараан аультиматум ҟазшьа аманы аицәажәара шыҟамыз.

"Аультиматум аӡәгьы идикылом. Апрокуратура, Аԥсны АШәМ, Аҩнуҵҟатәи аусқәа рминистрра аусеицура мҩаԥыргоит ацәгьоура аарԥшразы, иалахәу рышьақәыргыларази раанкыларази", - ҳәа азгәарҭеит апресс-маҵзураҿы, иагьацырҵеит алҵшәақәа ауаажәларра ишдырдырхо, раԥхьа иргыланы иҭахаз игәакьацәа.

Қьамал Арӡынба дыршьит лаҵара 18 азы иҩны ашҭаҿы. Адырҩаҽны ауаҩшьра далахәуп ҳәа агәызҩарала даанкылан Баҭал Ԥлиа.

Ажәабжьқәа зегьы
0