https://sputnik-abkhazia.info/20211108/sputnik-amchybzh-abiuet-akh-ariasharaa-aagylarat-aktsia-qr-koda-1036233945.html
Sputnik амчыбжь: абиуџьет ахь ариашарақәа, аҿагыларатә акциа, QR-кодқәа
Sputnik амчыбжь: абиуџьет ахь ариашарақәа, аҿагыларатә акциа, QR-кодқәа
Sputnik Аҧсны
Аинформациоатә маҵзура Sputnik Аԥсны иазнархиеит ареспубликаҿы абҵара 1-7 рзы аҭыԥ змаз ахҭысқәа инарылукааша рыхҳәаа. 08.11.2021, Sputnik Аҧсны
2021-11-08T09:20+0300
2021-11-08T09:20+0300
2021-11-08T14:55+0300
аԥсны
ажәабжьқәа
аслан бжьаниа
дмитри дбар
едуард быҭәба
https://cdnn1.img.sputnik-abkhazia.info/img/07e5/0b/04/1036198217_0:169:1620:1080_1920x0_80_0_0_3d7e11e1d61d8e672d9c01d5fd3ec242.jpg
Аԥсны ахада Аслан Бжьаниа Аҩнуҵҟатәи аусқәа рминистр Дмитри Дбар цәыббра 30 азы аҭыԥ змаз ахҭыс ашьҭахь имаҵзураҿы деиҭашьақәиргылеит, абри ашьҭахь аибашьра аветеранцәа аҿагыларатә акциа еиҿыркааит, абҵара анҵәамҭазы Аԥсны иазыԥшуп Спутник V ареспубликахь аагара, атәылаҿы имҩаԥысуеит аимҳәаҟынтәалаҵаҟаҵаратә компаниа.Сариа Кәарацхьиаԥҳа, SputnikАҿагыларатә акциеи ҩ-қәҵаракиИахьагьы актуалтә ҟазшьа аманы иҟоуп цәыббра 30 ауха адепутат Гарри Кокаиеи, аибашьра аветеранцәеи, азинхьчаратә усбарҭақәа русзуҩцәеи рыбжьара иҟалаз ахҭыс.Аҭоурых ацҵа аиуит абҵара 2 азы Аԥсны ахада Аслан Бжьаниа Аҩныҵҟатәи аусқәа рминистр Дмитри Дбар цәыббра 30 азы аҭыԥ змаз ахҭыс ашьҭахь имаҵзураҿы деиҭанышьақәиргыла ашьҭахь.Абҵара 4 азы Адраматә театр ахыбра аҿаԥхьаҿы имҩаԥысит Аџьынџьтәылатә еибашьра аветеранцәа еиҿыркааз амитинг.Аԥшьаша, абҵарамза 4 рзы Аԥсны жәлар Рџьынџьтәылатә еибашьра аветеранцәа рхеилак алахәылацәеи, рыдгылаҩцәеи имҩаԥыргаз аҿагыларатә акциаҿы аиҿкааҩцәа дҵаны иқәдыргылеит Аԥсны АА рминистр Дмитри Дбар инапынҵақәа аанижьырц. Уи азы ақәҵара рыдыркылеит.Аслан Бжьаниа аветеранцәа идикылеит, иҳәеит апрокуратура хада аусҭҵаара ишаҿу, азакәаншьаҭа змоу аӡбра ауп ирыдыркыло ҳәа. Дбар имаҵурахьы дахьиргьежьыз азы иӡбамҭа шыимԥсахуа иҳәеит. Аиқәшәара ашьҭахь аҿагыларатә акциа аиҿкааҩцәа ақәҵара ҿыц рыдыркылеит, уаҟа иарбоуп ҿыц амитинг шеиҿыркаауа, усҟан Атәыла ахада Аслан Бжьаниа имаҵура аанижьырц аҳәамҭа шыҟарҵо, уи ашьҭахь амитинг хдыркәшеит.Абҵара 5 азы Аԥсны Жәлар Реизара адепутатцәа Гарри Кокаиеи Алмасхан Арӡынбеи Иреиҳаӡоу аӡбарҭа иаднакылаз аӡбамҭазы Ахашшааратә коллегиахь ашшыԥхьыӡ нарышьҭит.Иреиҳаӡоу аӡбарҭа иҟанаҵаз алкаа инақәыршәаны, адепутат Гарри Кокаиа ихымҩаԥгашьа ашьеит амчра ахаҭарнакцәа рганахь ала аҳаҭырларҟәра мҩаԥигеит ҳәа. Адепутат Алмысхан Арӡынба иумҭа – амбжьахра, азеиԥшуаажәларратә ҭагылазаашьа аилагара, абџьар ахархәарала ауаажәларра рганахь ала аҳаҭырқәымҵара мҩаԥигеит ҳәа.Адепутатцәа Иреиҳаӡоу аӡбарҭа аӡбра аҭагылазаашьа зегьы азхьаԥшра амҭақәа алкаақәа ҟанаҵеит ҳәа иазыршьоит.QR-кодқәеи "Спутник-V" азыԥшреиАбҵара 5 азы Агәабзиарахьчара аминистрра алаҵа ззыҟаҵоу QR-код рыҭара апрограмма иалацәажәеит.Акод аелектронтә версиаҿ ирмаӡоуп алаҵазы асертификат аномер, арҭ адыррақәа зныԥшуа аминистрра адаҟьахь уҭазгало ахырхарҭа.QR-кодқәа рырҭоит аминистрра еиҿнакааз алаҵа ззыҟаҵоу рбаза ашьаҭала. Акодқәа ауаа рыҭара иалагеит абҵара 4 азы. "А-мобаил" адиректор хада Борис Барцыц иажәақәа рыла, алогинқәеи апарольқәеи 850-ҩык рҟынӡа ирзынашьҭуп. QR-код ҿҳәарас шықәсык амоуп.Абҵарамзазы Аԥсныҟа иааргараны иҟоуп фнызқь лаҵа "Спутник V".Абри атәы иҳәеит Аԥсны агәабзиарахьчара аминистр Едуард Быҭәба алаҵа ззыҟаҵоу QR-кодқәа рыҭара аӡыргараан.Ииасыз амчыбжь азы асезонтә еимҳәаҟынтә алаҵаҟаҵара иалагеит. Аимҳәаҟынтәи асезонтә лаҵа ауаа хатәгәаԥхарала ирыларҵоит, урҭ араионтә поликлиникақәа рҿы хәыда-ԥсада ирзыҟарҵоит. Аԥсны агәабзиарахьчара аминистрра аимҳәаҟынтә урыстәылатәи алаҵа "Гриппол Плюс" аанагеит ҳәа арадио Sputnik иазеиҭалҳәеит атәыла асанитартә ҳақьым хада Лиудмила Скорик.Лара лажәақәа рыла, алаҵа ҟарҵар рылшоит фымз зхыҵуа инадыркны."Алаҵа аконсервантқәа алаӡам, уи иалоуп полиоксидони захьӡу ахәшә, уи иаҳа ирласны аиммунитет цәырнагар ауеит. Уи рыларҵарц рабжьызгоит акоронавирус зыхьхьоу ауаа, избанзар урҭ риммунитет акыр илаҟәуп", - ҳәа азгәалҭеит Скорик.Лара иара убас иазгәалҭеит 60 шықәса ирҭысхьоу, ахроникатә чымазарақәеи аллергиеи (акәты ацил азы аллергиа змоу рыда) змоу ирыларҵар ҟалоит.Москватәи аныҟәарақәа рылҵшәақәаАԥсны ахада Аслан Бжьаниа Москваҟа дцеит жьҭаара 25 азы.Абҵара 2 азы Бжьаниа Аԥсуа телехәаԥшра иазеиҭеиҳәеит Москва усутә визитла иҟазаара аихшьаалақәа рзуны.Апарламент асессиаАбҵара 3 азы Аԥсны Апарламент аилатәара мҩаԥнагеит. Аԥсны Жәлар Реизара-Апарламент аилатәараан аҵыхәтәантәи аԥхьарала иаднакылеит "2021 шықәсазтәи Ареспубликатә биуџьет азы" азакәан аԥсахрақәа.Абиуџьети, акредиттә еиҿкаарақәеи, ашәахтәқәеи, афинансқәеи рзы аилак ахантәаҩы Натали Смырԥҳа ишылҳәаз ала, 90 миллион мааҭ азԥхьагәаҭан Арбитражтә ӡбарҭа азыӡбатә уалқәа рыхҩаразы, аха апарламенттә еилакы урҭ аԥсахрақәа апроект иаланамгалеит.Аԥсны Апарламент иаднакылеит "Аԥсны Ахылаԥшратә Палата 2022 шықәсазы аныҟәгараз иаҭаху аԥара аҳәаақәҵараз" ақәҵара. Ирыдыркылаз ахарџьынҵа 34 миллион 744 нызқь мааҭ арбоуп.Апарламент Аԥсны ауаҩы изинқәа зыхьчо иаппарат 2022 шықәсазтәи аныхрақәа шьақәнарӷәӷәеит.Ахарџьынҵа ишьақәнартәеит 4 миллионки 870 нызқь мааҭи. Ишьақәырӷәӷәоу ахарџьынҵа 2021 шықәсазы ирыдыркылаз иаҟароуп.Натали Смырԥҳа лажәақәа рыла, адепутатцәа аӡбамҭа рыдыркылеит уаанӡа ишҳәаз еиԥш 500 нызқь мааҭ ацрымҵарц.Ақыҭанхамҩаз апроектқәаАхықәкытә программа "2021 шықәсазы Аҟәа араион ақыҭанхамҩа аҿиара" акомиссиа апроектқәа жәба алнакааит. Апроектқәа ирзоужьуп 2 730 820 мааҭ.Апрограмма иалахәу араион ауааԥсыра аиҳарак рыпроектқәа азырхан ацитрусқәеи афеихои ахәырмеи реиҭаҳара.Афермерцәа аԥара рнапаҿы ирыҭахом, аԥарақәа апроект анагӡаразы аҭагылазаашьақәа раԥҵара иазырхоуп. Аҟазауаа иазырхиоу абаҳчақәа ауааԥсыра ирырҭоит.Абаҳчақәа аԥҵахоит ақыҭақәа Ешера, Аҩада Ешера, Ӡыгәҭа, Иашҭхәа. Зеиԥшла 5,5 гектар адгьыл азоужьхоит.Аенергетикеи амаининг аҿагылареиЖьҭаара 28 инаркны Аԥсны мрагыларатәи ахәҭеи Аҟәа ахәҭаки рҿы аамҭа-аамҭала алашара дырцәо иалагеит.Авольтҳарак цәаҳәа-110 "Шешелеҭ-1" иадҳәалоу афымцалашара арцәарақәа рыграфик еиҭакуп ҳәа аанацҳауеит "Амшынеиқәафымцамч".Урҭ аиҭакрақәа ҩ-станциа маҷк ирхьысит:Афымца арцәара алагалоуп аҳауатә цәаҳәа "Шешелети-1" иақәу ақәыӷәӷәара ахьазышьҭымхуа иахҟьаны.Аимадареи амассатә коммуникациақәеи ацифратә ҿиареи рзы Аԥсны аҳәынҭқарратә еилакы акриптавалиута арҳаразы аинтернет аԥкра аҿҳәара иацнаҵеит, ареспубликаҿ VPN аусура аанкылара иалагеит 2021 шықәса жьҭаарамза алагамҭаз.Авиртуалтә хатә ҳа VPN аусура аанкылара иззыԥшыз алҵшәақәа аанамышьҭит Аԥсны аенергетиказы, ҳәа арадио Sputnik иазеиҭеиҳәеит "Амшынеиқәафымцамч" аоператив-техникатә напхгара адиректор Руслан Кәарҷиа.Иара иажәақәа рыла ҩбаҟа мшы аенергетика анырра лаҟәит, нас амаинерцәа ахыкәшаратә мҩақәа рыԥшаауа иалагеит.Аԥсны Ашәарҭадаратә маҵзуреи, "Амшынеиқәафымцамчи" Аҳәынҭстандарти русзуҩцәа Аӡҩыбжьа ақыҭан, арԥхагатә нхамҩаҿы иаадырԥшит аус зуаз амаининг ферма.Иаарԥшын 77 маруга акриптовалиута арҳаразы. Ахархәагақәа закәаншьаҭада анхамҩа атрансформатор иаҿаԥшьын."Праид" аҿы аизҳараАацытәи апарк "Праид" аҿы алым ԥшқақәа хԥа иит. Ҩымчыбжь раԥхьа иит Риҵа зыхьӡырҵаз алым аԥс. Уи ан акраҿаҵара мап ацәнакит, убри азы апарк аусзуҩцәа иара ааӡара рхахьы иргеит.Хымш раԥхьа Сара захьӡу алым аԥшқақәа ҩба ариит. Урҭ рааигәара аӡәгьы днанашьҭуам. Ахала акрырҿанаҵоит.Уажәы апарк аҿы инхоит алым дуқәа жәеизеи алым ԥшқақәа хԥеи. Урҭ рыдагьы "Праид" иҟоуп амахҽқәа, акамбашьқәа, астраусқәа, апони, аҽқәа, ауасақәа, аҽадақәа, аџьмақәа.
https://sputnik-abkhazia.info/20211102/asny-anuati-ausa-rministr-imaurakhy-dyrkhynup-1036172463.html
https://sputnik-abkhazia.info/20211104/aa-aopozitsia-imayrgaz-amiting-khyrkshoup-aagylatsa-arezoliutsia-yts-rydyrkyleit-1036202804.html
https://sputnik-abkhazia.info/20211105/zhlar-reizara-adeputattsa-kokaiei-arynbei-ireiaou-abara-abama-iazashshit-1036215372.html
https://sputnik-abkhazia.info/20211104/asny-covid-19-aynt-alaa-zaay-iarakhou-reit-1036191147.html
https://sputnik-abkhazia.info/20211103/asny-aimaynt-alaaaara-ialageit-1036189958.html
https://sputnik-abkhazia.info/20211103/asny-aparlament-2021-shysazti-arespublikat-biuet-azakan-asakhraa-alanagaleit-1036183196.html
https://sputnik-abkhazia.info/20211102/aa-araion-ayankhama-aiarazy-aproekta-zhba-alnakhit-1036166088.html
https://sputnik-abkhazia.info/20211101/avirtualt-khat-a-vpn-ausura-aankylara-izzyshyz-alshaa-aanamyshit-1036153642.html
https://sputnik-abkhazia.info/20211102/tsezari-sarei-rykhshara-aatsyti-apark-praid-ay-alym-khya-iit-1036168848.html
Sputnik Аҧсны
media@sputniknews.com
+74956456601
MIA „Rosiya Segodnya“
2021
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
ажәабжьқәа, аслан бжьаниа, дмитри дбар, едуард быҭәба
ажәабжьқәа, аслан бжьаниа, дмитри дбар, едуард быҭәба
Sputnik амчыбжь: абиуџьет ахь ариашарақәа, аҿагыларатә акциа, QR-кодқәа
09:20 08.11.2021 (ирҿыцуп: 14:55 08.11.2021) Аинформациоатә маҵзура Sputnik Аԥсны иазнархиеит ареспубликаҿы абҵара 1-7 рзы аҭыԥ змаз ахҭысқәа инарылукааша рыхҳәаа.
Аԥсны ахада Аслан Бжьаниа Аҩнуҵҟатәи аусқәа рминистр Дмитри Дбар цәыббра 30 азы аҭыԥ змаз ахҭыс ашьҭахь имаҵзураҿы деиҭашьақәиргылеит, абри ашьҭахь аибашьра аветеранцәа аҿагыларатә акциа еиҿыркааит, абҵара анҵәамҭазы Аԥсны иазыԥшуп Спутник V ареспубликахь аагара, атәылаҿы имҩаԥысуеит аимҳәаҟынтәалаҵаҟаҵаратә компаниа.
Сариа Кәарацхьиаԥҳа, Sputnik
Аҿагыларатә акциеи ҩ-қәҵараки
Иахьагьы актуалтә ҟазшьа аманы иҟоуп цәыббра 30 ауха адепутат Гарри Кокаиеи, аибашьра аветеранцәеи, азинхьчаратә усбарҭақәа русзуҩцәеи рыбжьара иҟалаз ахҭыс.
Аҭоурых ацҵа аиуит абҵара 2 азы Аԥсны ахада Аслан Бжьаниа Аҩныҵҟатәи аусқәа рминистр Дмитри Дбар цәыббра 30 азы аҭыԥ змаз ахҭыс ашьҭахь имаҵзураҿы деиҭанышьақәиргыла ашьҭахь.
Абҵара 4 азы Адраматә театр ахыбра аҿаԥхьаҿы имҩаԥысит Аџьынџьтәылатә еибашьра аветеранцәа еиҿыркааз амитинг.
Аԥшьаша, абҵарамза 4 рзы Аԥсны жәлар Рџьынџьтәылатә еибашьра аветеранцәа рхеилак алахәылацәеи, рыдгылаҩцәеи имҩаԥыргаз аҿагыларатә акциаҿы аиҿкааҩцәа дҵаны иқәдыргылеит Аԥсны АА рминистр Дмитри Дбар инапынҵақәа аанижьырц. Уи азы ақәҵара рыдыркылеит.
Аслан Бжьаниа аветеранцәа идикылеит, иҳәеит апрокуратура хада аусҭҵаара ишаҿу, азакәаншьаҭа змоу аӡбра ауп ирыдыркыло ҳәа. Дбар имаҵурахьы дахьиргьежьыз азы иӡбамҭа шыимԥсахуа иҳәеит.
Аиқәшәара ашьҭахь аҿагыларатә акциа аиҿкааҩцәа ақәҵара ҿыц рыдыркылеит, уаҟа иарбоуп ҿыц амитинг шеиҿыркаауа, усҟан Атәыла ахада Аслан Бжьаниа имаҵура аанижьырц аҳәамҭа шыҟарҵо, уи ашьҭахь амитинг хдыркәшеит.
Абҵара 5 азы Аԥсны Жәлар Реизара адепутатцәа Гарри Кокаиеи Алмасхан Арӡынбеи Иреиҳаӡоу аӡбарҭа иаднакылаз аӡбамҭазы Ахашшааратә коллегиахь ашшыԥхьыӡ нарышьҭит.
Иреиҳаӡоу аӡбарҭа иҟанаҵаз алкаа инақәыршәаны, адепутат Гарри Кокаиа ихымҩаԥгашьа ашьеит амчра ахаҭарнакцәа рганахь ала аҳаҭырларҟәра мҩаԥигеит ҳәа. Адепутат Алмысхан Арӡынба иумҭа – амбжьахра, азеиԥшуаажәларратә ҭагылазаашьа аилагара, абџьар ахархәарала ауаажәларра рганахь ала аҳаҭырқәымҵара мҩаԥигеит ҳәа.
Адепутатцәа Иреиҳаӡоу аӡбарҭа аӡбра аҭагылазаашьа зегьы азхьаԥшра амҭақәа алкаақәа ҟанаҵеит ҳәа иазыршьоит.
QR-кодқәеи "Спутник-V" азыԥшреи
Абҵара 5 азы Агәабзиарахьчара аминистрра алаҵа ззыҟаҵоу QR-код рыҭара апрограмма иалацәажәеит.
Агәабзиарахьчара аминистр Едуард Быҭәба иажәақәа рыла алаҵақәа "Спутник – V", "Спутник Лайт" ҟазҵаз аминистрраҟынтә смс-дыррақәа роулоит алогини апароли рыцҵаны. Алогини апароли "ахатәы кабинет" ахь иҭагалатәуп аминистрра асаит аҿы. "Акабинет" аҟны иарбахоит алаҵази иара ахьыҟаҵаз амедусҳәарҭази адырра. Иара уа иалшоит алаҵа аныҟаҵаз арыцхәи, иахьыҟаҵаз амедусҳәарҭеи рыхҩылаара, иара убасгьы QR-код ахҩылаара, ԥхьаҟазы акьыԥхьразы ма аелектронтә версиа ахархәаразы.
Акод аелектронтә версиаҿ ирмаӡоуп алаҵазы асертификат аномер, арҭ адыррақәа зныԥшуа аминистрра адаҟьахь уҭазгало ахырхарҭа.
QR-кодқәа рырҭоит аминистрра еиҿнакааз алаҵа ззыҟаҵоу рбаза ашьаҭала. Акодқәа ауаа рыҭара иалагеит абҵара 4 азы. "А-мобаил" адиректор хада Борис Барцыц иажәақәа рыла, алогинқәеи апарольқәеи 850-ҩык рҟынӡа ирзынашьҭуп. QR-код ҿҳәарас шықәсык амоуп.
Абҵарамзазы Аԥсныҟа иааргараны иҟоуп фнызқь лаҵа "Спутник V".
Абри атәы иҳәеит Аԥсны агәабзиарахьчара аминистр Едуард Быҭәба алаҵа ззыҟаҵоу QR-кодқәа рыҭара аӡыргараан.
Ииасыз амчыбжь азы асезонтә еимҳәаҟынтә алаҵаҟаҵара иалагеит. Аимҳәаҟынтәи асезонтә лаҵа ауаа хатәгәаԥхарала ирыларҵоит, урҭ араионтә поликлиникақәа рҿы хәыда-ԥсада ирзыҟарҵоит. Аԥсны агәабзиарахьчара аминистрра аимҳәаҟынтә урыстәылатәи алаҵа "Гриппол Плюс" аанагеит ҳәа арадио Sputnik иазеиҭалҳәеит атәыла асанитартә ҳақьым хада Лиудмила Скорик.
Лара лажәақәа рыла, алаҵа ҟарҵар рылшоит фымз зхыҵуа инадыркны.
"Алаҵа аконсервантқәа алаӡам, уи иалоуп полиоксидони захьӡу ахәшә, уи иаҳа ирласны аиммунитет цәырнагар ауеит. Уи рыларҵарц рабжьызгоит акоронавирус зыхьхьоу ауаа, избанзар урҭ риммунитет акыр илаҟәуп", - ҳәа азгәалҭеит Скорик.
Лара иара убас иазгәалҭеит 60 шықәса ирҭысхьоу, ахроникатә чымазарақәеи аллергиеи (акәты ацил азы аллергиа змоу рыда) змоу ирыларҵар ҟалоит.
Москватәи аныҟәарақәа рылҵшәақәа
Аԥсны ахада Аслан Бжьаниа Москваҟа дцеит жьҭаара 25 азы.
Абҵара 2 азы Бжьаниа Аԥсуа телехәаԥшра иазеиҭеиҳәеит Москва усутә визитла иҟазаара аихшьаалақәа рзуны.
Абҵара 3 азы Аԥсны Апарламент аилатәара мҩаԥнагеит. Аԥсны Жәлар Реизара-Апарламент аилатәараан аҵыхәтәантәи аԥхьарала иаднакылеит "2021 шықәсазтәи Ареспубликатә биуџьет азы" азакәан аԥсахрақәа.
Абиуџьети, акредиттә еиҿкаарақәеи, ашәахтәқәеи, афинансқәеи рзы аилак ахантәаҩы Натали Смырԥҳа ишылҳәаз ала, 90 миллион мааҭ азԥхьагәаҭан Арбитражтә ӡбарҭа азыӡбатә уалқәа рыхҩаразы, аха апарламенттә еилакы урҭ аԥсахрақәа апроект иаланамгалеит.
Аԥсны Апарламент иаднакылеит
"Аԥсны Ахылаԥшратә Палата 2022 шықәсазы аныҟәгараз иаҭаху аԥара аҳәаақәҵараз" ақәҵара. Ирыдыркылаз ахарџьынҵа 34 миллион 744 нызқь мааҭ арбоуп.
Апарламент Аԥсны
ауаҩы изинқәа зыхьчо иаппарат 2022 шықәсазтәи аныхрақәа шьақәнарӷәӷәеит.
Ахарџьынҵа ишьақәнартәеит 4 миллионки 870 нызқь мааҭи. Ишьақәырӷәӷәоу ахарџьынҵа 2021 шықәсазы ирыдыркылаз иаҟароуп.
Натали Смырԥҳа лажәақәа рыла, адепутатцәа аӡбамҭа рыдыркылеит уаанӡа ишҳәаз еиԥш 500 нызқь мааҭ ацрымҵарц.
Ахықәкытә программа "2021 шықәсазы Аҟәа араион ақыҭанхамҩа аҿиара" акомиссиа апроектқәа жәба алнакааит. Апроектқәа ирзоужьуп 2 730 820 мааҭ.
Апрограмма иалахәу араион ауааԥсыра аиҳарак рыпроектқәа азырхан ацитрусқәеи афеихои ахәырмеи реиҭаҳара.
Афермерцәа аԥара рнапаҿы ирыҭахом, аԥарақәа апроект анагӡаразы аҭагылазаашьақәа раԥҵара иазырхоуп. Аҟазауаа иазырхиоу абаҳчақәа ауааԥсыра ирырҭоит.
Абаҳчақәа аԥҵахоит ақыҭақәа Ешера, Аҩада Ешера, Ӡыгәҭа, Иашҭхәа. Зеиԥшла 5,5 гектар адгьыл азоужьхоит.
Аенергетикеи амаининг аҿагылареи
Жьҭаара 28 инаркны Аԥсны мрагыларатәи ахәҭеи Аҟәа ахәҭаки рҿы аамҭа-аамҭала алашара дырцәо иалагеит.
Авольтҳарак цәаҳәа-110 "Шешелеҭ-1" иадҳәалоу афымцалашара арцәарақәа рыграфик еиҭакуп ҳәа аанацҳауеит "Амшынеиқәафымцамч".
Урҭ аиҭакрақәа ҩ-станциа маҷк ирхьысит:
астанциа маҷ "Синоп" - 18:00 инаркны 19:00 рҟынӡа,
астанциа маҷ "ИЕПиТ" - 19:00 инаркны 20:00 рҟынӡа.
Афымца арцәара алагалоуп аҳауатә цәаҳәа "Шешелети-1" иақәу ақәыӷәӷәара ахьазышьҭымхуа иахҟьаны.
Аимадареи амассатә коммуникациақәеи ацифратә ҿиареи рзы Аԥсны аҳәынҭқарратә еилакы акриптавалиута арҳаразы аинтернет аԥкра аҿҳәара иацнаҵеит, ареспубликаҿ VPN аусура аанкылара иалагеит 2021 шықәса жьҭаарамза алагамҭаз.
Авиртуалтә хатә ҳа VPN аусура аанкылара иззыԥшыз алҵшәақәа аанамышьҭит Аԥсны аенергетиказы, ҳәа арадио Sputnik иазеиҭеиҳәеит "Амшынеиқәафымцамч" аоператив-техникатә напхгара адиректор Руслан Кәарҷиа.
Иара иажәақәа рыла ҩбаҟа мшы аенергетика анырра лаҟәит, нас амаинерцәа ахыкәшаратә мҩақәа рыԥшаауа иалагеит.
Аԥсны Ашәарҭадаратә маҵзуреи, "Амшынеиқәафымцамчи" Аҳәынҭстандарти русзуҩцәа Аӡҩыбжьа ақыҭан, арԥхагатә нхамҩаҿы иаадырԥшит аус зуаз амаининг ферма.
Иаарԥшын 77 маруга акриптовалиута арҳаразы. Ахархәагақәа закәаншьаҭада анхамҩа атрансформатор иаҿаԥшьын.
Аацытәи апарк "Праид" аҿы алым ԥшқақәа хԥа иит. Ҩымчыбжь раԥхьа иит Риҵа зыхьӡырҵаз алым аԥс. Уи ан акраҿаҵара мап ацәнакит, убри азы апарк аусзуҩцәа иара ааӡара рхахьы иргеит.
Хымш раԥхьа Сара захьӡу алым аԥшқақәа ҩба ариит. Урҭ рааигәара аӡәгьы днанашьҭуам. Ахала акрырҿанаҵоит.
Уажәы апарк аҿы инхоит алым дуқәа жәеизеи алым ԥшқақәа хԥеи. Урҭ рыдагьы "Праид" иҟоуп амахҽқәа, акамбашьқәа, астраусқәа, апони, аҽқәа, ауасақәа, аҽадақәа, аџьмақәа.
