Микрофон  - Sputnik Аҧсны, 1920
Арадио

Агрԥҳа "Голос" ахь лнеиразы: еицлабраӡам сара сзы, ари ԥышәоуп, иснаҭо рацәоуп

Агрԥҳа "Голос" ахь лнеиразы: ари еицлабраӡам сара сзы, ари ԥышәоуп, иснаҭо рацәоуп
Анапаҵаҩра
Амузыкатә проект "Голос" ахь лнеира иацу амаӡақәеи, дзықәшәаз анапгхаҩы икоманда аҩныҵҟа аҭагылазаашьа зеиԥшроуи, аицлабра илнаҭои ртәы арадио Sputnik Аԥсны иазеиҭалҳәеит ашәаҳәаҩ Ана Агрԥҳа.
"Ари апроект анцәырҵ инаркны, 10 шықәса раԥхьа сгәы иҭаскит, мышкы зны снеип уи асценаҿы, схы ԥысшәап ҳәа. Хымз раԥхьа анкета сышьҭит, ианҳаларҳәа, асезон ҟалоит ҳәа. Исышьҭит авидеонҵамҭа, аудио, сызҿу сзанааҭ атәы еиҭасҳәеит. Анаҩс, Актәи аканал акастинг ахь ааԥхьара сырҭеит", - еиҭалҳәеит ашәаҳәаҩ.
Ана илҳәеит, акастинг аҿы иналыгӡоз ашәақәа ралԥшаара шымҩаԥысуази, уи лышҽазыҟалҵози ртәы.
"Акастинг ахь уаннеиуа иреиӷьу ашәақәа уҳәароуп, минуҭки бжаки ирылагӡаны ухы ааурԥшыроуп. Алхраан даара дсыцхрааит сҩыза Денис Давыдов, иара дсыцын аккомпаниаторк иаҳасабала. Уи даара исыхәеит, избанзар узықәгәыӷуа ауаҩы уааигәара даныҟоу иаҳа уӷәӷәахоит. Ашәақәа ҩба алаҳхит: акы урысшәала, егьы - аиталиан бызшәала. Акастинг аҿы ауаа рацәан, мышкы 800-ҩык рҟынӡа ирзыӡыруан", - лҳәеит Агрԥҳа.
Ажәабжьқәа зегьы
0