Микрофон  - Sputnik Аҧсны, 1920
Арадио

Блабԥҳа еиҭалҳәеит афорум "Шәача-Аҟәа" аҿы аволонтиорцәа рус ишазыҟарҵоз атәы

Балабԥҳа еиҭалҳәеит, афорум "Шәача-Аҟәа" аҿы аволонтертә усура ишызыҟарҵоз атәы
Анапаҵаҩра
"Шәача-Аҟәа" захьӡу афорум мҩаԥысуеит абҵарамзазы Урыстәыла. Шәачатәи аҳәынҭқарратә университет аҵакыраҿы еиҿкаау апроект иалахәуп Аԥснынтәи аҿар. Урҭ иреиуоу Мрана Блабԥҳа арадио Sputnik аҿы еиҭалҳәеит апроект зызку, уи ирнаҭо адыррақәа, анаҩс хархәарашьас иарҭо.
Аԥснынтәи аделегациа иалахәуп 24-ҩык аҿар. Афорум актәи аетап хыркәшоуп, аҩбатәи аетап мҩаԥысран иҟоуп абҵарамза 17-19 рзы ҳәа адырра ҟалҵеит Блабԥҳа.
"Афорум алахәылацәа реибадырра актәи аетап иахәҭакын. Уаҟа ҳара иҳаилдыркааит аволонтиорцәа рнапы злаку аусура зеиԥшроу, иара ииашаны ишымҩаԥгатәу, иара ҳаԥсҭазара ишахәҭакхаз. Анаҩс иҳарбан асоциалтә проект шыҟарҵо, агәыԥ аҿы аусушьа шеиҿкаау", - ҳәа еиҭалҳәеит Блабԥҳа.
Мрана иазгәалҭеит афорум актәи амш мацараан лара аԥышәа ду шлырҳаз - апроект аҩра, уи ахьчара, агәыԥ аҿы аусура, уҳәа иалылкааз шырацәоу.
Блабԥҳа еиҭалҳәеит абжьааԥынгьы хатәгәаԥхарала аӡәы ицхраара бзиа ишылбо.
Ажәабжьқәа зегьы
0