https://sputnik-abkhazia.info/20211205/donetskti-gvardeets-aiaaira-ageit-ashapylampylt-turnir-sistema-cup-2021-ay-1036604784.html

Донецктәи "Гвардеец" аиааира агеит ашьапылампылтә турнир "Система Cup 2021" аҿы

Донецктәи "Гвардеец" аиааира агеит ашьапылампылтә турнир "Система Cup 2021" аҿы

Sputnik Аҧсны

Ашьапылампыл азы актәи Жәларбжьаратәи атурнир "Система Cup 2021" аҿы аиааира агеит донецктәи "Гвардеец". 05.12.2021, Sputnik Аҧсны

2021-12-05T20:30+0300

2021-12-05T20:30+0300

2021-12-05T23:27+0300

аԥсны

аспорт

ажәабжьқәа

https://cdnn1.img.sputnik-abkhazia.info/img/07e5/0c/05/1036604209_0:85:1620:996_1920x0_80_0_0_ad779e1aac963825a7d7658a5678bc53.jpg

Ашьапылампыл азы актәи Жәларбжьаратәи атурнир "Система Cup 2021" афинал гәдоуҭатәи "Риҵеи" донецктәи "Гвардееци" рыбжьара имҩаԥысит амҽыша ԥхынҷкәын 5 рзы. Уи еиҿыркааит Аԥсны Ашьапылампыл афедерациеи ишиашоу ицо атранслиациақәа ртитултә спонсор, аинтернет-проваидер "Системеи".Бадраҟ Аҩӡба, SputnikАтурнир афиналАхәмарра ишналагазҵәҟьа аҩкомандакгьы ирылаз зегьы аарԥшра иалагеит.Раԥхьатәи аминуҭқәа инадыркны гәдоуҭаа ампыл еиҳа иныҟәыргон. Ахәаԥшцәа усҟак ирацәаҩымызт, аха аӡәырҩы ишиашоу ицо аефир ала аинтернет-проваидер "Система" иабзоураны иахәаԥшуан, иара убас Аԥсуа телехәаԥшраҿгьы. Уи ашьҭахь "Риҵа" ажәылара бзиа аадырԥшит, аха ирызҭамыршәит, "Гвардеец" амбахьчаҩ Риабои уи ааникылеит. Аха уеизгьы 35-тәи аминуҭ азы гәдоуҭатәи Аинар Гамсаниа ампыл ҭаиршәит, убас 1:1 ҳәа еиҭахеит.Апенальтиқәа раамҭаАҩбатәи ахәҭаҿы "Риҵа" иаразнак аԥыжәара агеит. "Гвардеец" ахәмарыҩцәа ашҭа агәаны ампыл андырхәмар, Виктор Пимԥиа иаарымиԥаан, Аинар Гамсаниа иизишьҭит, уи иакәзар, амбахь дасит, аха амбахьчаҩ уи дасны иԥыригеит. Убри аамҭазы Мараҭ Агрба дааибаган днасын, амба инҭаиршәит.Аха 59-тәи аминуҭ азы Вадим Мирозь ахараԥсатә мпыл анирхәмар, "Риҵа" ахәмарҩы Аслан Муцба иманшәаламкәа хыла дасын, ампыл икоманда амба иҭашәеит – 2:2.Уаҳа ахәмарра аамҭа хадаан ампыл рызҭамыршәит азы апенальтиқәа рахь ииасит. Ари аус аҿы "Гвардеец" акоманда иаҳа иақәҿиеит "Риҵа" аасҭа, 4:3 ҳәа еилгеит.Атурнир иалахәын акомандақәа фба: аҟәатәи "Нарҭ", гәдоуҭатәи "Риҵа", донецктәи "Гвардеец", аҟәатәи "Динамо", гагратәи "Гагра", краснодонтәи "Динамо".

https://sputnik-abkhazia.info/20211111/aati-nar-ashapylampyl-azy-asny-iachempionkheit-1036289020.html

2021

Ажәабжьқәа

ab_AB

аспорт, ажәабжьқәа