Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

"Аԥсуара аҟәырҷаха": Ҭырқәтәыла ҳмилаҭ чысҟаҵаҩ Нигьиар Агрԥҳа лус иазкны

© Sputnik / Саида Жиба Нигьиар Агрԥҳа
Нигьиар Агрԥҳа  - Sputnik Аҧсны, 1920, 19.12.2021
Атәым ҳәынҭқаррақәа рҟны инхо аԥсуаа егьырҭ излареиԥшым аҟазшьа ҷыдақәа рымоуп, иаҳҳәозар амилаҭ дуқәа ирылазмырӡо ахҭыгара, "аԥсуа цәа" амырӡра. Иахьатәи анҵамҭа лызкуп Ҭырқәтәыла, Қьефқьен аҳаблаҟны инхо ҳџьынџьуаҩ, уаҟа еицырдыруа аԥсуа чысҟаҵаҩы Нигьиар Агрԥҳа.
Нигьиар Агрԥҳа дшыхәыҷызнатә лан Ԥеқьнур Ажьиԥҳа аԥсуа чыс аҟаҵашьа лҿылҵаахьан. Аҭаацәараҟны фҩык ахшара ирызҳауан, аб Фаҳри Голландиа аус иуан аҟнытә, аԥҳәыс хәҩык лыԥҳацәа рыжәҩахыр еибыҭаны иаалывагылан анхамҩа аныҟәгара дырманшәалеит. Доусы аҩни адәни иуалԥшьақәа наигӡон. Аҷкәын ахаҵа ишиаҭәоу еиԥш имахәҿы иалшоз ҟаиҵон.
"Ҳхәыҷрашықәсқәа раан Ҭырқәтәыла аԥсҭазаара уадаҩын, ауаа рхы ныҟәыргарц азы аҳәаанырцә ицоз дубарын. Ҳабгьы 15 шықәса Голландиа дыҟан. Аиҳәшьцәа ҳан дрыцҳашьаны ҳлыцхраауан. Ҳҭаацәара дуун, ҳандуи ҳаб иаҳәшьцәеи ҳацынхон. Убри аҟнытә ахәыҟаҵара аӡәы ихала илшомызт, ҩыџьа хҩы рнапы алакызар акәын. Сара бзиа ибаны аԥсуа чыс ҟасҵон. Саԥхьаҟа ахныҟәгараҿы уи ишьаҭа ӷәӷәаны исзыҟалеит", - еиҭалҳәоит ҳџьынџьуаҩ.
абысҭа - Sputnik Аҧсны, 1920, 02.02.2019
Аныҳәатә чысны ирԥхьаӡо: ҳџьынџьуаа ируа аԥсуа бысҭеи, аҟәыдыршьшьи
Аграа рҭаацәараҟны зегьы ибзиаӡаны аԥсшәа рдыруан, изыбзоуразгьы ранду Шьаҳиқа Бганԥҳа лоуп. Лара аҭырқәшәа лыздырӡомызт аҟнытә лмаҭацәа аҭоурыхтә жәабжьқәа лхатәы бызшәала ирзеиҭалҳәон. Рдацқәа Аԥснынтәи ишаауа, милаҭла ишаԥсыуоу, излацәажәо абызшәа дара ишырхатәу ралҳәон.
Амҳаџьырра аамҭақәа раан Ҟәланырхәантәи Ҭырқәтәылаҟа иқәнагалаз Нигьиар лабду иабду Ҳабыгәи уи иаб иашьа иԥа Ҭебеқьи роуп. Аишьцәа атәым дгьыл ахь ихырҵәаз рыуаажәлар реиԥш арыцҳарақәа ирыниеит. "Аԥша икыднаҟьоз" Ҳабыгәи Ҭебеқьи аҵыхәтәаны Бычкыдере ҳәа иахьашьҭоу ақыҭаҟны инхеит. Ашықәсқәа рышьҭахь Ҳабыгә ихылҵыз аԥсуаа ахьеиланхо Ақбалық ақыҭаҿы рынхамҩа еиҿыркааит.
© Sputnik / Саида Жиба Нигьиар Агрԥҳа
Нигьиар Агрԥҳа  - Sputnik Аҧсны, 1920, 18.12.2021
Нигьиар Агрԥҳа
Нигьиар лаб Фаҳри Голландиа дахьынӡыҟазгьы иуаажәлар рыгәҭа дгылан. Аԥсны Аџьынџьтәылатәи аибашьра ҟалаанӡа уахь инхо ҳашьцәа дырԥыларц ицаз Владислав Арӡынбеи иареи еибадырит. Ари ахҭыс иахьагьы иазгәдууны иалацәажәоит Аграа рҭаацәа.
"Аинтернет анцәырҵ, асоциалтә ҳақәа рҟны иаҳԥыхьашәеит Владислав Арӡынба Голландиа ҳауаажәлар рԥылараҟны ԥсуаҵас дахьыкәашо авидео. Ҳаблақәа ҭырхаха ҳиеигәырӷьаны ҳашихәаԥшуаз, ҳабгьы акадр аҟны даацәырҵит. Иара Аԥсныҟа салам наҳашьҭуеит ҳәа иаиҳәон асас ду. Ари аҭыхымҭа архивк аҳасабала иҵәахны иҳамоуп", - ҳәа азгәалҭоит аԥҳа.
Раԥхьаӡакәны Аграа рыҩнаҭахьы аҳәаанырцәынтәи ԥсыуас имҩахыҵыз Фаарықә Агрба иоуп. Иара Сириа дынхон. Иахьа уи ихылҵшьҭра рџьынџьдгьыл ахь ихынҳәит.
Сима Агрба - Sputnik Аҧсны, 1920, 02.10.2021
"Шәыԥшишь, абрахь ауп Аԥсны ахьыҟоу": ҳџьынџьуаҩ Сима Агрԥҳа лгәалашәарақәа
"Сириатәи ҳасас ила еилаҳкааит даргьы амҳаџьырра иахырҟьаны рыԥсадгьыл нырмыжьыр шамуз, аха аԥсуа илеишәа шдмырӡыз. Иажәақәа рыла хымҩаԥгашьала ҳаиԥшын. Аиҳабацәа рҭоурыхтә ԥсадгьыл иахьҵәыуон, уахь инхаз гәныргон", - илгәалашәоит ҳџьынџьуаҩ.
Нигьиар Агрԥҳа апандемиа ҟалаанӡа Адаԥазар ақалақь аҟны, лаб ианшьа иҧа Ардаҳан Бганба лхы иалырхәарц илиҭаз адәқьани уи иацҟаҵаз акрыфарҭеи хыртны илыман. Иахьа аамҭа уадаҩ лҽырнааланы аҩнынтәи аус луоит. Аахәаҩцәа ирыдылгало ачысхкқәа иреиуоуп апарпыл џьыка, акәтысызбал, аҟәыдыршьшьы, лхала еилалҵо ашәха, ахәылчаԥа, арҵәы, ачаҳаржә.
© Sputnik / Саида Жиба Нигьиар Агрԥҳа
Нигьиар Агрԥҳа  - Sputnik Аҧсны
1/5
Нигьиар Агрԥҳа
© Sputnik / Саида Жиба Нигьиар Агрԥҳа
Нигьиар Агрԥҳа  - Sputnik Аҧсны
2/5
Нигьиар Агрԥҳа
© Sputnik / Саида Жиба Нигьиар Агрԥҳа
Нигьиар Агрԥҳа  - Sputnik Аҧсны
3/5
Нигьиар Агрԥҳа
© Sputnik / Саида Жиба Нигьиар Агрԥҳа
Нигьиар Агрԥҳа  - Sputnik Аҧсны
4/5
Нигьиар Агрԥҳа
© Sputnik / Саида Жиба Нигьиар Агрԥҳа
Нигьиар Агрԥҳа  - Sputnik Аҧсны
5/5
Нигьиар Агрԥҳа
1/5
Нигьиар Агрԥҳа
2/5
Нигьиар Агрԥҳа
3/5
Нигьиар Агрԥҳа
4/5
Нигьиар Агрԥҳа
5/5
Нигьиар Агрԥҳа
"Аԥсуаа рыдагьы егьырҭ иҳаланхо амилаҭқәагьы ари ачыс бзиа идҳарбеит. Еиҳараӡак апарпыл џьыка ргоит. Иҟалалоит абысҭа иаҳәо. Заанаҵы аҭел ала адырра ансырҭалак доусы иҿаиҵо афатә хкқәа саҳәшьцәеи сареи иҳармазеиуеит", - ҳәа азгәалҭоит лара.
Нигьиар лнапы злаку аус аиҿкаараҿы длывагылоуп лыԥшәмагьы Аасым Хагәышь.
Ҳџьынџьуаҩ аамҭала лан леиԥш аӡахрагьы лықәманшәалахон. Акыр шықәсагьы уи ала лхы ныҟәылгон.
Нигьиар лаб иргылаз аҩнаҟны иахьагьы ахәшҭаарамца еиқәуп. Лассы-лассы аиашьеи аиаҳәшьцәеи еизаны рхәыҷра ргәаладыршәоит. Ирыԥхаз реиҳабацәа рҭоурыхқәа ирзааҭгылоит.
Ажәабжьқәа зегьы
0
Раԥхьа аҿыцқәаРаԥхьа ажәытәқәа
loader
АЕФИР АҾЫ
Заголовок открываемого материала
Жәларбжьаратәи
InternationalEnglishАнглыз бызшәаMundoEspañolАиспан бызшәа
Европа
DeutschlandDeutschАнемец бызшәаFranceFrançaisАфранцыз бызшәаΕλλάδαΕλληνικάАбырзен бызшәаItaliaItalianoАиталиа бызшәаČeská republikaČeštinaАчех бызшәаPolskaPolskiАполиак бызшәаСрбиjаСрпскиАсерб бызшәаLatvijaLatviešuАлатыш бызшәаLietuvaLietuviųАлитва бызшәаMoldovaMoldoveneascăАмолдав бызшәаБеларусьБеларускiАбелорус бызшәа
Алада Кавказ
ԱրմենիաՀայերենАерман бызшәаАҧсныАҧсышәалаАԥсуа бызшәаХуссар ИрыстонИронауАуаԥс бызшәаAzərbaycanАzərbaycancaАзербаиџьан бызшәа
Ааигәа Мрагылара
Sputnik عربيArabicАраб бызшәаTürkiyeTürkçeАҭырқә бызшәаSputnik ایرانPersianФарсиSputnik افغانستانDariДари
Агәҭантәи Азиа
ҚазақстанҚазақ тіліАҟазах бызшәаКыргызстанКыргызчаАҟырӷыз бызшәаOʻzbekistonЎзбекчаАузбек бызшәаТоҷикистонТоҷикӣАҭаџьықь бызшәа
Мрагыларатәии Алада-Мрагыларатәи Азиа
Việt NamTiếng ViệtАвиетнам бызшәа日本日本語Аиапон бызшәа中国中文Акитаи бызшәа
Алада Америка
BrasilPortuguêsАпортугал бызшәа