Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аԥсны мрагыларатәи ахәҭа араионқәа рҿы алашара дырцәар акәхоит

© Sputnik / Томас ТхайцукЭлектропровода
Электропровода  - Sputnik Аҧсны, 1920, 06.02.2022
Анапаҵаҩра
НовостиTelegram
Аԥсны афымцамч ахархәара ахьышьҭыҵыз иахҟьаны Џьуартәи аӡеизакырҭаҿы аӡы еиҳа ирацәаны иныҵуа иалагеит, убри азы уи иеиҷаҳатәуп, узхысыр ҟамло аҩаӡараҟынӡа илеит.
АҞӘА, жәабран 6 - Sputnik. Аԥсны ахәҭак ашәахьа жәабран 7 рзы фымцалашарада ԥшьсааҭк иаанхоит ҳәа адырра ҟанаҵоит "Амшынеиқәафыцамч" Facebook аҿы.
Џьуартәи аӡеизакырҭаҿы аӡы ахьылаҟәыз азы, аӡхыҽҽатә станциа "ГЭС-1" аҟынтәи иаауа афымцамч аиҷаҳара ахьаҭаху азы асааҭ 01:00 инаркны 05:00 рҟынӡа идырцәоит аҳауатә цәаҳәақәа "Шьешьелеҭ-1", "Шьешьелеҭ-2", "Аҽгәара".
Фымцалашарада иаанхоит Очамчыра, Гәылрыԥшь, Гал, Тҟәарчал араионқәа.
Жәабран 3 азтәи арбагақәа рыла Џьуартәи аӡеизакырҭаҿы аӡы аҩаӡара 415, 50 метра иҟоуп, убри аан ишәарҭан ишьоу аҩаӡара 425 метра иҟоуп.
Ингур ГЭС  - Sputnik Аҧсны, 1920, 03.02.2022
Аԥсны
"Амшынеиқәафымцамч" аҿы ЕгрыГЕС аҭагылазаашьа ахҳәаа арҭеит
Аԥсны афымцамчтә усхк проблема хадақәас иамоуп иақәу аидара ахьдууи аинфраструктура ахьажәуи. Афымцамч ахьазымхо, афымцаҳақәа ахьажәу азы атәылаҿы акриптоԥара арҳаразы амаругақәа русура азин ыҟам, аамҭа-аамҭала алашара арцәара аграфикқәа аларгалалон.
Иахьатәи аамҭазы Аԥсны алашара дырцәоит афымцацәаҳәақәа аидара ишакәым ианақәлалак ма аԥхасҭақәа аныҟалалак, аамҭа-аамҭала арцәарақәа рыграфик ҳәа акгьы алагалаӡам.
Аԥсны Урыстәылантәи афымцамч аиуеит 2021 шықәса ԥхынҷкәынмза инаркны, уи абзоурала ҳтәыла хы-хәҭак рҟынтәи ҩба лашарала еиқәыршәоуп, егьи ахәҭа - аӡхыҽҽатә станциа "ГЭС-1" аҟынтәи иаиуеит.
Ажәабжьқәа зегьы
0