Микрофон  - Sputnik Аҧсны, 1920
Арадио

Раионк аԥсҭазаараҟынтә: Багаҭелиа аԥкрақәа раамҭаз ансамбль "Кәыдры" аусура

Раионк аԥсҭазаараҟынтә: Багаҭелиа ансамбль "Кәыдры" аусура аԥкрақәа раамҭаз
Анапаҵаҩра
Yandex newsTelegram
Гәылрыԥшь араион Уарча ақыҭан еиҿкаау ансамбль "Кәыдры" асахьаркыратә напхгаҩы Омар Багаҭелиа арадио Sputnik аефир аҿы еиҭеиҳәеит, COVID аҟынтә аԥкрақәа ансамбль аусура ишаныԥшыз атәы, иҳәеит, ахәыҷқәа аҽазыҟаҵарақәа ишырзыԥшу.
"Ҳусурақәа аанкылан иҟоуп, аха ахәыҷқәеи ҳареи аимадара ҳабжьоуп, ргәы хыҭхыҭуа аҽазыҟаҵарақәа ирзыԥшуп. Ачымазара цәырҵыижьҭеи зны акарантин ҳаҟан, нас аамҭала ҳҭыҵуан, уажәы инеиԥынкылан акрааҵуеит аус ҳамуеижьҭеи. Уаанӡа акультуртә ханқәа русура азин ыҟаӡамызт, уажәы ашколхәыҷқәа ркарантин ҳаҵанакит. Ансамбль иалҵыз ҳәа аӡәгьы дыҟаӡам, акәашара рҭахуп. Зегь рыла ҳаиқшәоп, ашьаҵатәы, ашәҵатәы ҳамоуп. Зегь маншәалоуп. Ачымазароуп иаҳԥырхагоу. Аамҭаказы адәахьгьы аҽазыҟаҵара ҳалагеит аҩнуҵҟа иҟалом анырҳәа, аха ус иауӡом. Акәашаҩ асценаҿы дкәашалароуп", - ҳәа еиҭеиҳәеит Багаҭелиа.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0