https://sputnik-abkhazia.info/20220214/asny-atsyrgaat-zal-khada-akraa-ryshakh-aaatsa-rzy-iaadyrtit-1037581049.html

Аԥсны Ацәыргақәҵатә зал хада аԥкрақәа рышьҭахь аҭааҩцәа рзы иаадыртит

Аԥсны Ацәыргақәҵатә зал хада аԥкрақәа рышьҭахь аҭааҩцәа рзы иаадыртит

Sputnik Аҧсны

Аԥсны ауааԥсыра ачымазара рацәыхьчаразы иалагалаз аԥкрақәа инарықәыршәаны 2021 шықәса нанҳәамзаахыс русура аанкылан акультура аусбарҭақәеи аспорттә хыбрақәеи... 14.02.2022, Sputnik Аҧсны

2022-02-14T16:06+0300

2022-02-14T16:06+0300

2022-02-14T16:10+0300

аԥсны

ажәабжьқәа

акультура

https://cdnn1.img.sputnik-abkhazia.info/img/07e6/02/0e/1037580490_0:160:3071:1887_1920x0_80_0_0_765db6b518e56880de798565d256657b.jpg

АҞӘА, жәабран 14 - Sputnik, Наала Гәымԥҳа. Аԥкрақәа рышьҭахь ацәыргақәҵатә зал хада аҭааҩцәа рзы ҩаԥхьа ашәқәа аанартит жәабран 14 рзы. Акультуратә сезон хацыркхеит 2021 шықәса рзы аицлабра "Иреиӷьу ашықәс аусумҭа" аҟны иалкаахаз аусумҭақәа рыла."Иазгәаҭатәуп, ацәыргақәҵа аҭааҩцәа ирыдгалоу 2021 шықәсазтәи аҭыхымҭақәа шракәу. Ахәаԥшцәа ианаамҭаз идҳарбартә еиԥш алшара ҳамамызт, аԥкрақәа ирыхҟьаны", - ҳәа агәалҭеит Аԥсны асахьаҭыхыҩцәа реидгыла ацәыргақәҵатә зал хада аиҳабы, апроектқәа рхылаԥшҩы Ельвира Арсалиаԥҳа.Аԥсны Акультура аминистрра 2021 шықәсазтәи аԥхьахә "Иреиӷьу ашықәс аусумҭа" анашьара мҩаԥган ԥхынҷкәын 9 рзы. Актәи аҭыԥ иаԥсахеит асахьаҭыхыҩ Виссарион Ҵәыџьба иусумҭа "Анатиурморт". Аҩбатәи аҭыԥ ианашьан Витали Џьениа аусумҭа "Викториа" азы, ахԥатәи – Аԥшьа Ҳагԥҳа "Уахынлатәи ацәажәара" азы.Усҟан аепидемиологиатә ҭагылазаашьа ауадаҩреи иҟаз аԥкрақәеи инарыдҳәаланы ацәыргақәҵа иалахәыз аиҿкааҩцәеи, аԥхьақәқәа згаз асахьаҭыхыҩцәеи, ажурналистцәеи заҵәык ракәын.Иахьа мызқәак рнаҩс иаартыз Ацәыргақәҵатә зал хадаҿы имҩахыҵит аҟазара абзиабаҩцәагьы. Ахәаԥшцәа рыбла рзаҟәымго, азҿлымҳара аарԥшны, ҭынч асахьақәа ирыхәаԥшуан, еиҳа иргәаԥхаз аҭыхымҭақәа ҭырхуан, ргәаанагарақәа еимырдон.Ацәыргақәҵатә хыбра уахьааҩналоз аҿкы чымазара аҽацәыхьчаразы аҭааҩцәа ирыдыргалон асабрадақәа, арзҩыдарақәа."Ахәаԥшцәа ргәабзиара аиҷаҳаразыҳәаны ирыдаҳгалоит арзҩыдара, асабрада. Макьаназы иааиуа рхыԥхьаӡара маҷзаргьы, иубаратәы иҟоуп имҩахыҵуа ари амш акыраамҭа ишазыԥшыз", - лҳәоит ацәыргақәҵатә зал хада ахылаԥшҩы Агнесса Лакоба.Ельвира Арсалиаԥҳа лажәақәа рыла, ацәыргақәҵа еиднакылеит еицырдыруа асахьаҭыхыҩцәа реиԥш, аҿаргьы рҭыхымҭақәа."Аусумҭақәа иалкааны ҳәаак иҭагӡаӡам, араҟа иӡыргоуп ахырҳарҭақәа зегьы рыла: аграфика, аҿыханҵа, аҩычаратә, арԥшӡаратә усумҭақәа, аскульптура уҳәа аганқәа рыла. Иҳадгалан 50 инарзынаԥшуа аҭыхымҭақәа. Ҳазҭоу ашықәсазы ҳгәы иҭоуп инарҭбааны аиубилеитә цәыргақәҵа аиҿкаара", - ҳәа азгәалҭеит Арсалиа.Ацәыргақәҵа аартызаауеит жәабран 14 - 21 рзы.Ацәыргақәҵа "Иреиӷьу ашықәс аусумҭа" 2001 шықәса раахыс есышықәса имҩаԥыргоит Акультура аминистрреи Асахьаҭыхыҩцәа реидгылеи.

https://sputnik-abkhazia.info/20220214/azlatsazhasha-amoup-arsaliaa-2022-shysa-rzy-atsyrgaat-zal-khada-ausurazy--1037576613.html

https://sputnik-abkhazia.info/20211210/azlatsazhasha-amoup-ybei-niei-aitslabra-ireiu-ashys-ausuma-iazkny---1036670585.html

2022

Ажәабжьқәа

ab_AB

ажәабжьқәа, акультура