Микрофон  - Sputnik Аҧсны, 1920
Арадио

Раионк аԥсҭазаараҟынтә: Гамгьиа Гал араион аепидҭагылазаашьа иазкны

Раионк аԥсҭазаараҟынтә: Гамгиа гал араион аепидҭагылазаашьа иазкны
Анапаҵаҩра
Yandex newsTelegram
Гал араионтә хәшәтәырҭа аҳақьым хада Асҭамыр Гамгьиа арадио Sputnik аефир аҿы еиҭеиҳәеит ачымазаҩцәа рганахьала аҭагылазаашьа зеиԥшроу, ауааԥсыра аҿкы шырхырго атәы.
"Араион аҿы аҭагылазаашьа хәыҷы-хәыҷла аиӷьхара иаҿуп. Ачымазара змоу рхыԥхьаӡара иаҳа-иаҳа иагхо иалагеит, даара уеигәырӷьартә иҟоуп, аха макьана еиҳагьы еиӷьхар ҳҭахуп, уи ауп ашколхәыҷқәа рыԥсшьарамшқәа зацҵазгьы. Ииасыз амчыбжь азы 15-ҩык ачымазаҩцәа ҳаман ахәшәтәырҭаҿы. Ахәыҷқәагьы ачымазара рыцрасуеит, аха агрипп еиԥш ирхыргоит. Хәыҷык ршоура халоит, ус ҩымшҟа, нас еиқәтәоит. Даара иӷәӷәаны ичмазаҩхахьоу ҳәа ахәыҷқәа рыбжьара аӡәгьы дҳамаӡамызт. Аҭыԥантәи аҳақьымцәа рҿы рҽырхәшәтәуеит. Иара аҳақьымцәа рыбжьара аҭагылазаашьа уадаҩын ҩымчыбжь раԥхьа. Ацхыраара лас абригадақәа рыбжеиҳараҩык чмазаҩын, убри аҟнытә ахәшәтәырҭа аусзуҩцәа уахь ииаганы аус дырун. Уажәы хәыҷы-хәыҷла ичмазаҩу зегьы русурахь ахынҳәра иаҿуп", - ҳәа еиҭеиҳәеит Гамгьиа.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0